MOS Burger (荃新天地一期)

營業中

休息中

今日去荃新天地睇戲，睇完戲之後，就去搵野食，見到Mos burger 就諗起都好耐無食，咁就入去食啦！今日閒日約9點左右，坐滿左9成，咁當然啦，荃新天地分店都唔係大，先睇睇餐牌先，野食唔算多，咁就順便影埋早餐比大家睇，但係見到之前講佢嘅食評話早餐好差，所以都未必會試，咁我同我女朋友每人叫咗一個餐，我叫左法式和牛漢堡，我女朋友叫左個吉列蝦堡Wasabi醬，之後我哋就叫咗個雞件及大薯條，等左10分鐘左右就列，2個漢堡都正，其中吉列蝦堡我覺得係非常出色，但個人認為個包就細咗啲，首先佢嗰包係有炕底嘅，所以食起嚟呢好有口感及熱辣辣，和牛漢堡好有牛味，唯獨是醬比較多，有些鹹，所以覺得蝦堡比較好，薯條係粗薯條正，雞件都唔差，即炸，熱辣辣，比起M字頭嗰間好食好多，但當然價錢都貴啲兩個人食咗$104 ，都好味會再嚟。