蔦 (已結業)

9點左右銅鑼灣搵食，又想快d食完歸家，諗黎諗去都淨係諗到拉麵可能天氣一凍個腦就實哂，淨係想食熱野。登龍街今時今日已經係銅鑼灣拉麵街喇，由街頭到街尾都有，新開，老字號，過江龍，沾麵...總之就大把啦。夜左又唔太餓，於是決定去食蔦。一來貪佢個湯少油冇咁膩，二來感覺佢個麵份量好似少d唔洗驚食唔哂依舊係一入去就落單比錢再上座，今次就試佢個味噌湯底，朋友就食個一星嘅醬油味。望住廚房坐吧枱係幾舒服，不過位同位之間距離好窄，上座時好易整到人兩杯水都自動上座，環境唔係傳統日式拉麵屋但我幾欣賞。如果話蔦嘅一星醬油湯係細緻優雅，咁味噌就係粗豪中帶溫柔嘅感覺。牛肝菌油豐富了味噌湯底而冇背脂果種強烈油膩，加上洋蔥粒同粟米入口好爽好香。我自己反而覺得佢個招牌醬油湯麵，黑松露味太強蓋過哂其他香味所以個味噌湯拉麵我勁Like呀蛋有幾正就睇上圖啦，個蛋黃流心到滴埋落碗麵度叉燒就入口嫩滑，肥瘦適中，女仕食都唔會覺得肥。以後食拉麵又多個選擇。