紅橋 (已結業)

之前試過lunch 食紅橋，今次試吓晚餐！7點度去到，人未算多，唔洗等！嘢食種類多，實搵到你中意嘅！Set餐轉得好頻繁，有啱食叫番set餐一定最抵！今次叫咗豬仔肶！跟餐有埋湯，沙律and 嘢飲！ 南瓜湯: 幾creamy, 唔係最好飲，但飲得落！沙律: 係好食嘅，醬料落得夠，仲要有埋黑醋？酸酸的幾開胃！豬仔肶蛋包飯: 有驚喜，豬仔肶有落蜜糖，甜甜的，幾惹味，仲要有3隻咁多！蛋包飯唔洗講，大份又好食，落足料，又係入面都有埋蛋！認真，飲完湯，食完沙律已經飽咗一半，再食一隻肶小半蛋包飯已經飽到9成！剩低take away 咗第日lunch! 但唔知係咪錯覺，問waitress 拎合果時，佢d眼神同行為絶對唔係友善！自問take away 唔哂嘢係好事，咁佢個態度係咩事！總括黎講，嘢食絶對係ok嘅, cp value 好高，但服務質素有待提升，可能只係個別，咁啱畀我撞到，但畀邊個撞到我諗都唔會係一個愉快經歷！