Oslo (已結業)

下午男人打黎問我今晚想食啲咩，突然間好掛住上次食過嘅酥皮蜜糖吐司，於是兩個一收咗工就直接約喺嗰度等，一圓我今日嘅心願餐廳裝修小文青風格，感覺舒服先來個餐湯，忌廉粟米濃湯粟米味清新，而且仲超順滑香濃，意外嘅好飲士多啤梨奶昔，少女心爆燈🤗香草忌廉煙肉意粉上次食過呢度嘅意粉，已經10分鍾意。呢度嘅意粉煮得啱啱好，意粉仲好彈牙爽口，而且我鍾意嘅意粉醬汁一向都係偏濃厚，呢度嘅醬汁超濃厚，條條意粉都有醬汁掛住，而且煙肉味夠香， 十分好味椒鹽雞翼椒鹽味夠， 10分香。雞翼煎到脆卜卜，作為餐前小食十分開胃煙三文魚芝士焗大菇芝士超足料，難得嘅係大菇冇乜青草味，食落仲有一陣焦香味，配上煙三文魚，意外既夾。丹麥酥pizza真係好鍾意呢度嘅麵包，呢度嘅麵包外層全部都係脆口嘅酥皮，呢個Pizza係酥皮麵包上面加上左芝士，香菇，火腿同埋勁多份量嘅菠蘿同千島醬，酸酸甜甜之餘配上超脆口嘅酥皮，真係好惹味石板街蜜糖多士盒終於上我嘅主菜啦（其實佢係甜品囉😂）入面嘅蜜糖多士粒已經搽滿蜜糖焗到香噴噴，而外面嘅酥皮熱辣辣脆卜卜，配埋cream同埋朱古力雪糕，真係最完美嘅配搭呀～～其實呢間餐廳，我覺得真心無輸比台灣嘅任何cafe