金不換泰國餐廳 (已結業)

中秋翌日一家人又到金不換食皆因我想食蟹。六點三以為唔洗等位, 最後都等到6點10先有得食事不而遲! 去相必飲嘅冬陰公湯。佢冬陰公個味道好飽滿豐富, 一口飲落去好鮮好甜酸酸地, 辣嘅程度都剛剛好好好飲。有啲後悔叫左細碗, 有啲唔夠喉。上次食左咖喱蟹, 今次就試下辣椒膏炒蟹。個人喜歡咖哩蟹多啲。不過呢款都幾醒胃。蟹膏有啲難食, 但蟹鉗就啖啖肉。飛天通菜。正正常常, 不過不失。冬陰公炒飯。調味唔錯, 炒得都好有鑊氣!明爐青檸蒜粒烏頭。呢條魚又係我至愛。首先本身烏頭呢種魚好少骨, 魚身都好鞋。佢用青檸, 又有啲苦瓜, 蒜粒同其他調味將魚本身嘅鮮味逼出黎。而且佢keep住下面明爐爐火咁加熱, 就完隻蟹先慢慢返黎食條魚都仲係熱辣辣。