養心殿台式養生鍋 (已搬遷) 新店位置

我同細佬已經係第二次食呢間養生嘅火鍋啦，今次帶咗爸爸媽媽一齊食同佢哋感受下台式邊爐嘅好味。湯底方面呢我哋就叫咗美人鍋同養生鍋，同樣非常之高質。湯底入邊好豐富嘅養生鍋入邊有我最愛嘅鴨血唔使分開嗌。雪花一口肥牛粒最鍾意呢就係食呢個一口牛，仲好食過一片片嗰啲肥牛，更加食到肉味之餘，過程唔會極速快熟曬，令裡面保留肉汁。水蓮呢到竟然有我喺台灣食到嘅水蓮，真係好懷念。水蓮就係食佢嘅爽脆度，非常之正。手工丸類拼盤款款都好掂好彈牙，特別係芝士牛肉丸，佢會好似芝心丸咁一咬流芝士漿，身為芝士迷一定鐘意。寬粉佢唔似一般紅薯寬粉粗到咬唔到，呢個寬度會似寬條麵個種。滑得黎同紅薯寬粉一樣煙韌，連美人鍋個湯底食一流。