寧記麻辣火鍋海鮮酒家 (已結業)

天氣近來都潮濕大霧，人都悶親，最好去食四川麻辣刺激下。對上一次來係寧記準備搬新店時，新店環境比以前闊落，燈光較為柔和，每張檯都有跌序地排列成了幾行，而且不乏電視，食物賣相比以前好。四川麻辣湯底初初看不出有麻椒，食下食下，湯滾時看見很多麻椒浮上來了。感覺上辣多過麻，可能始終冇第一次食麻辣時麻住了的感覺。除了一般火鍋不能缺少的山根，肥牛，枝竹，粉絲，牛骨髓，蟹柳，蟹子丸，苦瓜，南瓜等外，今晚比較特別的是：帶子 － 切得細細粒，但食落好有鮮味，我真係第一次食帶子有這麼重的鮮味，以前都唔知點解這麼多人喜歡食帶子，包括帶子壽司。係麻辣把帶子的鮮味帶出來了嗎？麻辣豆腐 － 隨便看以為係豬紅，都好喔，好耐冇食過，戒開一半才知原來係豆腐。魚滑 － 爽口。魚皮餃 － 較為遜色，餡細皮難咬。很多食物的size都細了，方便人少，可以再叫，雖然本來只可坐兩個鐘，冇人等檯，我們食了兩個鐘，個肚滿載而歸。$120包湯底食物，算係咁喇。