打邊爐海鮮火鍋燒烤店 (已結業)

其實都唔係第一次黎打邊爐食嘢架啦，雖然位置唔算好方便，但係因為食物質素十分之高，所以每次同朋友想打邊爐嘅時候，都很山長水遠入到黎土瓜灣，坐足一晚，打一個高質素既邊爐。同行六個人，總共叫咗兩個喎，兩個鍋都好高質素！首先由我每次都必點嘅蕃茄薯仔湯底。番茄薯仔份量十分之多，而且十分之足料，最鍾意就係打邊爐之前，飲番杯碗湯，簡直係大滿足呢！ 再黎係朋友最愛嘅花甲蟹煲，一上枱已經超霸氣超足料三大隻蟹，而且無數花甲鋪底，食極都食唔完之外，湯底飲落重十分之鮮甜添！去到撞正鋪頭做緊生蠔大特價叫咗半打黎試試，食落海水味超重，好新鮮喎！羊肉食落十分之香每次必點魚腩，最中意佢冇骨！仲有安格斯肥牛，見到佢啲雪花就流晒口水。食落口真係好肥美好罪惡啊！