影片
更多
2011-07-31
111 瀏覽
不久之前跟朋友兩人幫襯過, 今次同爸媽阿姨阿妹一行五人再去, 所以今次改的Topic為再會鼎泰豐 .今次有五個人, 可以食多些不同的東西了. 由於是食early dinner的關係, 我地五點鐘左右就已經去到了. 雖然唔駛等位, 不過入面絕對唔係人少, 都差不多客滿了. 只係得門口幾張細枱無人坐, 長龍店果然是長龍店 成日都會咁多人幫襯的. 今次我只有一樣食品一定要叫的, 就是醉雞, 其他都無咩意見了. 前菜點了燻魚同埋我要求必點的醉雞, 我平時唔太食燻魚, 我覺得會好乾, 好硬的, 但這個又唔會, 有食魚的肉質, 但又唔會太過鞋, 這件東西令我有點改觀. 到醉雞了, 真係無械可擊, 雖然佢係我點咁多樣食物入面最貴, 而份量又是最少, 但皮爽肉嫰, 香香的酒味, 但入口又不會有苦苦的酒味, 超讚.到點心類, 今次點左四款不同的蒸點心. 每一款都係一籠六粒. 全部都係新鮮蒸出來的.菜肉餃是菜多肉少, 淡淡的味道, 適合注重健康的人, 而皮不會太厚, 唔會食左一糕己經飽左. 蝦仁絲瓜小籠, 第一次我是在台灣一間店到食, 覺得真是一個很清新的點心, 而今次這兒的也一樣,
前菜點了燻魚同埋我要求必點的醉雞, 我平時唔太食燻魚, 我覺得會好乾, 好硬的, 但這個又唔會, 有食魚的肉質, 但又唔會太過鞋, 這件東西令我有點改觀. 到醉雞了, 真係無械可擊, 雖然佢係我點咁多樣食物入面最貴, 而份量又是最少, 但皮爽肉嫰, 香香的酒味, 但入口又不會有苦苦的酒味, 超讚.到點心類, 今次點左四款不同的蒸點心. 每一款都係一籠六粒. 全部都係新鮮蒸出來的.
菜肉餃是菜多肉少, 淡淡的味道, 適合注重健康的人, 而皮不會太厚, 唔會食左一糕己經飽左. 蝦仁絲瓜小籠, 第一次我是在台灣一間店到食, 覺得真是一個很清新的點心, 而今次這兒的也一樣, 切到細細粒粒的絲瓜, 加一粒蝦仁, 沒有很重的味道, 實在食得出絲瓜的清甜味道, 入面的湯汁也是清清甜甜, 不過有一個缺點, 就是唔知點解有兩粒一夾起就甩底, 唔知是我地的筷子功有問題, 還是小籠包有問題了??
小籠包, 入到黎唔叫真係唔知入黎做咩, 味道依舊, 即是仍舊都係咁好味. 就算連摺位也不會有很厚的感覺, 肉汁多, 肉滑.
最後一款是糯米燒賣, 唔會是硬軚, 實實的糯米, 不過這個是咁多款入面更淡口的點心, 不過由於成家人都慣食淡味的東西, 所以大家都覺得咁多款點心都很合心意.
主食叫了排骨蛋炒飯, 炒飯充滿蛋香, 連平常唔多食街外飯都食左一碗, (因為小妹唔太食蔥, 通常在街外我都好少會食炒飯) 排骨充滿肉汁, 香口非常. 唔怪得知我見差不多每枱客人都會叫這個排骨.
紅燒牛肉麵, 這碗麵令我想起在台北的永康牛肉麵, 我很懷念那間的牛肉麵啊!!! 牛根牛肉的份量剛好, 看似硬, 但入口有化掉的感覺, 真係好好味呀.我相信好快我會再再會鼎泰豐
張貼
