元朗茶記@夢工房 (已結業)

茶樓等唔到位而黎左茶記，黎呢間貪呢度冷氣涼同坐位濶少少，擺bb車都唔會太阻擾。下午茶四十幾蚊，價錢合理。叫左幾個餐，星洲炒米好鹹，乾炒牛河好油，另外仲叫左炸脾薯條同炸魚薯條，兩者都係炸都超乾又硬，炸脾仲要切走一半，無哂啲脾肉食完都滿足。除左個幾樣，另外啲又唔太差嘅。餐蛋治，蛋好厚又炒得嫩滑，餐肉煎得香口，上枱熱辣辣，新鮮整起好少會唔好食啦。福建炒飯，夠汁又多料，飯炒得乾身，小朋友食得最開心。熱檸茶，檸香茶濃。主角熱奶茶，黎親茶記都係為左杯熱奶茶，香滑茶靚，好飲。