聘珍樓

營業中

休息中

同我家雙親食飯「聘珍樓」就無得衰。不論食物質素，樓面服務態度同環境，都贏到我家皇太后讚賞。🤣正價餐牌都幾高級，睇完都係決定了廚師推介片皮鴨龍躉套餐$838🥢廚師堂片熱辣辣片皮鴨，每片尺寸平均，皮肉剛好脂肪不多，加埋青瓜蔥段醬汁口感層次分明，回味無窮。提一提個塊糢糢片，口感煙靭配片皮鴨特別好食。🥢冰梅欖豉骨欖香汁甜再碰上炸得酥脆排骨簡直味美。😋🥢涼瓜炆龍躉頭腩龍躉頭腩，骨比例較多，有鑊氣味道不錯，我較為欣賞涼瓜。🥢油鹽水粉絲浸時菜這道菜合我心意，清爽清淡。🥢薑蔥爆鴨件用片皮鴨殼鑊氣香，鴨件有點鞋同硬。🥢黃金脆饅頭另一特價南非鮑扣鵝掌 $88🍴南非鮑都淋皇太后話口感似即食盒裝鮑魚，$88 都係呢種口感正常嘅，我欣賞隻鵝掌淋中帶有嚼口味道不錯。茗茶18/位，最討厭前菜花生 $22服務態度很好，主動加水勤換碟。