功德林上海素食 (已結業)

素食的日子,又要往沙田,令我再次到訪原本想叫番上次的餸,但同個仔去,咪比個衰仔自己叫囉,今次叫了1)上海冷面~~一碟面加七種醬汁分開上,仲有一碟芽菜加青椒絲同埋一碟唔知係木耳定云耳絲,有麻醬,甜醬,豉油,黑醋,花生磨成的粉粒,仲有兩隻唔知係乜嘢醬(有隻類似辣椒油就無試),侍應放低後仲講明邊隻係豉油邊隻係黑醋(真細心)賣相就唔多吸引囉,食落都唔差,但無乜驚喜,淨係令我联想到d商塲賣嘅＋蚊几包嘅撈面,可能有得食有得撈(玩)個衰仔連食三碗呀! 2)醬爆雞丁~~馬蹄粒,冬菇粒加埋豆腐乾切粒炒埋一碟,啲汁濃得嚟几好味,但啲豆腐乾就一般啫