享慢煮泰 (已結業)

之前寫過食評讚呢間餐廳好好食，決定再次來支持。流心龍蝦湯牛角包🥐必食！今次同朋友一人一個唔使爭，因為上次叫一個實在唔夠，太好味，爭住食😂龍蝦湯依然係咁流心，配埋香脆嘅牛角包一齊食，絕配。冇咗之前嘅西班牙黑豚燒豬頸肉，今次Menu變咗係加拿大燒豬頸肉。燒得有啲唔夠香，而且肉質同香味都唔及上次嗰個，所以有啲失望。龍蝦汁燴伊麵，有伊麵食好特別，但係食起上嚟好膩，伊麵都係比較夾中式上湯。所以建議大家揀燴飯。