影片
更多
2023-10-29
559 瀏覽
蒲東小館 今次再回訪呢間「蒲東小館」，睇返記錄原來上次食已經係上年11月啦，今次嚟到變化好大，除咗OPENRICE 82折現金券可以即買即用外（圖10），仲有就係全場爆滿哂，同上年得我哋自己坐一枱食簡直兩回事，做餐飲過去三年真係好慘，唯有依家盡量支持返好味嘅餐廳啦，依家真係有好多好味嘅餐廳越執越多！😢😢😢1.蟹粉小籠包$80（8/10）呢間小籠包皮薄多汁，但呢個蟹粉小籠包無咩蟹味，都係鍾意原味多d！2.鮮肉小籠包$42（10/10）都係最普通最原味嘅鮮肉小籠包好味好多，同一年前食都係一樣皮薄多汁，粒粒夾起都穿底，湯嘅精華咁就流走咗，食完一粒又一粒，最終食咗3籠鮮肉小籠包！3.黃金魚塊$88（8/10）呢個黃金魚塊炸粉比較厚，食到有少少咸蛋味！4.孜然牛肉$98（9/10）呢碟炒牛肉份量算多，牛肉片大約有10塊，肉質嫩滑唔韌，反而我幾鍾意個配角「洋蔥」，洋蔥食落爽同有辛辣味，好少地方食到爽而辣嘅洋蔥，多數洋蔥炒到軟淋淋！5.乾鍋花菜$78（10/10）呢碟椰菜花整得好惹味，椰菜花好爽口同辣辣地！6.肉味粉絲煲$72（8/10）呢個粉絲煲有少少失手，除咗本身嘅甜甜地，今次就咸咗少少！7.蒸
今次再回訪呢間「蒲東小館」，睇返記錄原來上次食已經係上年11月啦，今次嚟到變化好大，除咗OPENRICE 82折現金券可以即買即用外（圖10），仲有就係全場爆滿哂，同上年得我哋自己坐一枱食簡直兩回事，做餐飲過去三年真係好慘，唯有依家盡量支持返好味嘅餐廳啦，依家真係有好多好味嘅餐廳越執越多！😢😢😢
1.蟹粉小籠包$80（8/10）
呢間小籠包皮薄多汁，但呢個蟹粉小籠包無咩蟹味，都係鍾意原味多d！
2.鮮肉小籠包$42（10/10）
都係最普通最原味嘅鮮肉小籠包好味好多，同一年前食都係一樣皮薄多汁，粒粒夾起都穿底，湯嘅精華咁就流走咗，食完一粒又一粒，最終食咗3籠鮮肉小籠包！
3.黃金魚塊$88（8/10）
呢個黃金魚塊炸粉比較厚，食到有少少咸蛋味！
4.孜然牛肉$98（9/10）
呢碟炒牛肉份量算多，牛肉片大約有10塊，肉質嫩滑唔韌，反而我幾鍾意個配角「洋蔥」，洋蔥食落爽同有辛辣味，好少地方食到爽而辣嘅洋蔥，多數洋蔥炒到軟淋淋！
5.乾鍋花菜$78（10/10）
呢碟椰菜花整得好惹味，椰菜花好爽口同辣辣地！
6.肉味粉絲煲$72（8/10）
呢個粉絲煲有少少失手，除咗本身嘅甜甜地，今次就咸咗少少！
7.蒸饅頭$35（9/10）
正常饅頭一籠，一籠6個饅頭，仲有煉奶比你點嚟食！
5人原本總共價錢$602，茶位$5（蕎麥茶），用咗5張OPENRICE 82折現金券後，最終價錢$512，足足平$90
**OPENRICE 82折現金券優惠由即日起做到到2024年1月30日，現金券只適用於正價單點食品，茶位$5要現金另收**
個人口味總評分：8.85/10
地址：葵涌葵昌路51號九龍貿易中心KCC 2座M04號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#蒲東小館 #上海菜 #葵興 #葵興好去處 #小籠包 #葵興美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
張貼
