We Time Cafe (光輝圍)

營業中

休息中

A 相撲手肉眼扒（8安士）配蒜蓉汁（$73）跟薯條（+$3）凍朱古力（+$3）牛扒比預期中大塊，要咗五成熟，都煎得不錯，肉質偏腍，肉味唔多，如此價錢，可以接受。轉咗蒜蓉汁，估唔到會有一咋生蒜鋪係面，正。另外加三蚊轉咗薯條，熱辣香脆，洒上孜然粉，更加惹味。仲有少少沙律菜伴碟。N 芝士濃茄牛肉醬焗扁意粉（$60）低糖薏米水即焗，需時大概廿分鐘。雖然等得耐咗少少，但都值得的，因為焗得夠乾身夠香口，唔會濕淋淋。茄味足，夠濃味。肉醬份量不少，夠撈哂成盤意粉。扁意粉有咬口，有彈性。因為入座時已經比較夜，是日餐湯沽清，所以無得飲。