影片
更多
2019-02-28
2756 瀏覽
距離上一次黎，已經有大半年，今年慶祝情人節，決定再去食過！😋—一早訂定位，去到唔洗等就直接有得入座。小小既枱放左蠟燭同調味料，係昏暗既燈光下，幾有浪漫既氣氛。😘呢間餐廳既特色同點餐既detail，上一篇食評已經講過，今次直接飛去介紹食物到。（大家可以睇返我2018年6月既食評）—兩次黎都係想試多幾款唔同既肉，所以都叫左唔少。😂好抱歉，今次藍妹唔記得左影低mark低每款肉既名，大概只記得係咩類型既肉。（根據藍妹既記憶）兩塊扒分別係 和牛肉眼 同 牛腰脊，再加一條腸。先講牛腰脊，肉質比較實，咬嚼感相當勁，肉味濃郁，雖然都係5成熟，但依然覺得比較韌。🤔相比之下，和牛肉眼真係超級超級林！🤯一切落塊肉到，已經會感受到個分別。同樣係5成熟，但唔需要點咀嚼已經會融化咁。🤤多肉汁，但肉味冇牛腰脊咁濃，整體更合藍妹口味。☺️至於腸仔（依然唔知啲腸點分），今次呢條真係非常咸！咸到要撈埋薯蓉食先好啲。😱根據呢2次既經驗，呢間既腸仔全部都偏咸偏重口味，如果唔鐘意既朋友仔，可以直接略過。—扒餐我地選擇一個跟薯蓉，一個跟手切薯條。藍妹記得上次既手切薯條唔係咁既樣，上次既係好甜既甜薯味，今次只係普通薯角咁。😕見到果一
—
一早訂定位，去到唔洗等就直接有得入座。
小小既枱放左蠟燭同調味料，係昏暗既燈光下，幾有浪漫既氣氛。😘呢間餐廳既特色同點餐既detail，上一篇食評已經講過，今次直接飛去介紹食物到。
（大家可以睇返我2018年6月既食評）
—
兩次黎都係想試多幾款唔同既肉，所以都叫左唔少。😂
好抱歉，今次藍妹唔記得左影低mark低每款肉既名，大概只記得係咩類型既肉。（根據藍妹既記憶）兩塊扒分別係 和牛肉眼 同 牛腰脊，再加一條腸。
先講牛腰脊，肉質比較實，咬嚼感相當勁，肉味濃郁，雖然都係5成熟，但依然覺得比較韌。🤔
相比之下，和牛肉眼真係超級超級林！🤯
一切落塊肉到，已經會感受到個分別。同樣係5成熟，但唔需要點咀嚼已經會融化咁。🤤
多肉汁，但肉味冇牛腰脊咁濃，整體更合藍妹口味。☺️
至於腸仔（依然唔知啲腸點分），今次呢條真係非常咸！咸到要撈埋薯蓉食先好啲。😱
根據呢2次既經驗，呢間既腸仔全部都偏咸偏重口味，如果唔鐘意既朋友仔，可以直接略過。
—
扒餐我地選擇一個跟薯蓉，一個跟手切薯條。藍妹記得上次既手切薯條唔係咁既樣，上次既係好甜既甜薯味，今次只係普通薯角咁。😕
見到果一刻好失望，呢方面明顯地退步左。😩
—
我地再叫左個Lamb Burger Pellet。原本以為只係一塊羊肉扒，點知原來係成個Burger餐。
個羊肉Burger可以話係成晚藍妹覺得最好食既！😍
羊肉大概6成熟左右，唔會有血水不停滲出黎，做到肉嫩多汁既效果。最驚喜既係佢既羊騷味非常強烈，每一啖羊騷味都會隨住肉汁徘徊係口腔裡面。😆
配合恰到好處既調味同醬汁，成個Burger令人食完仲回味無窮。🤤
—
最後男朋友飲左杯靚靚既Mocha，唔落糖真係好苦，咖啡味厚重。—
藍妹幾滿意今次既情人節大餐，食得飽飽之餘，亦享受到水準唔錯既扒。😉
不過感覺上整體既質素冇上年食咁好，尤其是伴菜同醬汁方面。
如果可以做返之前咁，相信會更好。☹️
張貼
