譚仔雲南米線 (已結業)

今晚返學前又到譚仔食米線, 今次食竹笙酸辣湯底, 一個餸都夠了, 我一向都唔大餸的, 而且每碗米線都會附加一些芽菜、韮菜和腐皮, 都算幾大碗。對我來說, 酸辣湯底都幾辣, 又酸又辣, 的確好醒胃, 但食食下真係眼水鼻水都流出來, 你咪話唔辣呀! 竹笙吸了酸辣味, 好正! 米線都煮得o岩o岩好, 唔會太焾。 我諗下次都係要清湯好d 喇, 費事食到咁樣衰啦。