和牛燒肉一郎 (新都城中心二期) (已結業)

帆立貝好新鮮好大隻，有黑松露味同牛油風味。帆立貝好大粒而且好乾淨無沙，食落好甜肉質厚身。2種口味各有特色，叫多幾隻夠回本。薄灸花牛舌比較長，同普通牛舌質感差不多。牛舌好細簿，用細火輕輕一燒好快就熟，仲有小小爽口脆口。黑毛和牛4款和牛牛肋肉，肉質粉嫩烤出黎香滑嫩口。和牛里脊肉肉味比較濃同強烈和牛牛肉粒，油花適中無太多根。魷魚好新鮮同爽爽口，加左小小檸檬汁更加可以提鮮。叫左生菜同黃瓜，烤過後好爽脆又甜又多汁同牛肉一齊食唔會無咁油膩，食落夠清新。雪糕有唔同口味全部都係日本牌子高質素保證，我地食左綠茶同海鹽味。綠茶好濃烈但又唔會苦同太甜，係我鍾意既口味。海鹽就有小小鹹味食落又幾特別，雪糕夠凍夠硬身唔會太易溶化