影片
更多
2008-06-23
71 瀏覽
30年啦！唔識講，就好似將細路仔o個陣嘅回憶一次過recall哂番黎！當年我得幾歲，同大人去食飯，通常好野都唔輪到我，我嘅例牌菜多數都係鱔糊湯麵一碗加少少其他送，好好食！食到我後來冇再去天香樓嘅時候，出到出面唔會再叫鱔糊食，因為試過，實在差太遠！咁其他野都會食少少嘅，但除左個酒釀丸子之外，我真係乜都唔記得哂！上星期六，終於去左食午飯！一踏入去，即時時光倒流，點解連小寧波個樣都冇變，當下即刻問老闆， " 你比左D咩佢食？" 頭髮黑可能係染，但阿叔仲係皮光肉滑，莫非佢當年係童工？其實伙計已經唔係當年o個幾個，但冇問題，天香樓仍然是老好天香樓！只係少左隻貓o向我腳底行來行去！頭盆，三拼，有好好好好味嘅素鵝，肴肉同埋.... 好似係咸鴿(醬鴨？)再黎係龍井蝦仁，有人覺得偏咸，我覺得只不過係我地而家食野淡左，唔慣食濃味嘅野！我仍然覺得好好食！跟住係爆鱔背，好味道，略賺放耐左唔夠脆！但味道好好！跟住......啊... 煙薰黃魚... 煙薰味好重！以為薰過龍，但夾起放入口又冇野喎，魚仍然係滑滑！好！再黎係炸田雞腿，得五個人，又唔係大食，傾o下食o下都而家都差唔多飽飽地，但田雞腿實在好味！香口得黎味
當年我得幾歲，同大人去食飯，通常好野都唔輪到我，我嘅例牌菜多數都係鱔糊湯麵一碗加少少其他送，好好食！食到我後來冇再去天香樓嘅時候，出到出面唔會再叫鱔糊食，因為試過，實在差太遠！咁其他野都會食少少嘅，但除左個酒釀丸子之外，我真係乜都唔記得哂！
上星期六，終於去左食午飯！一踏入去，即時時光倒流，點解連小寧波個樣都冇變，當下即刻問老闆， " 你比左D咩佢食？" 頭髮黑可能係染，但阿叔仲係皮光肉滑，莫非佢當年係童工？其實伙計已經唔係當年o個幾個，但冇問題，天香樓仍然是老好天香樓！只係少左隻貓o向我腳底行來行去！
頭盆，三拼，有好好好好味嘅素鵝，肴肉同埋.... 好似係咸鴿(醬鴨？)
再黎係龍井蝦仁，有人覺得偏咸，我覺得只不過係我地而家食野淡左，唔慣食濃味嘅野！我仍然覺得好好食！
跟住係爆鱔背，好味道，略賺放耐左唔夠脆！但味道好好！
跟住......啊... 煙薰黃魚... 煙薰味好重！以為薰過龍，但夾起放入口又冇野喎，魚仍然係滑滑！
好！再黎係炸田雞腿，得五個人，又唔係大食，傾o下食o下都而家都差唔多飽飽地，但田雞腿實在好味！香口得黎味道唔太濃，幾大啖就吞左佢落肚，因為我見到......
嘩！蟹粉翅？乜咁早就咁補呀？噫？"不"唔到添，噢，要用筷子夾架！
仲有？真係飽啦！啊，係鹹肉塌窩菜，點解呢個時候仲有塌窩菜，好似唔係好o岩造！味道仍然係好，只不過個菜唔係好得！
最後當然是酒釀丸子，細個o個陣我剩係食哂D雜果同糖水，今次連丸子都食埋，因為唔知下次再黎會係幾時！小寧波D頭髮會唔會變白？
嘩，夠啦！仲黎多個甜品，似八寶飯，我已經好飽，所以只係食左少少，味道好得意，又咸又甜咁，我唔識答你好唔好食，因為我唔係好食甜野！咁我又食酒釀丸子？點同呢？呢個係童年回憶，加情意結！
張貼