爆丼屋 (已搬遷) 新店位置

同事放工話發現megabox都食到爆丼屋，叫我一齊去食。記得以前旺角新開時，排隊排好耐，食過一次覺得都唔錯。今次去到megabox店，店舖設計好chill，有綠色植物，每台間隔非常有空間感，即刻覺得心曠神怡，仲要係無排長龍！終於可以好好咁嘆新鮮魚生飯！門口已經見到「制霸！鵝肝海鮮盛丼」嘅大poster，即刻心心眼😍，充滿我最愛嘅大粒帆立貝！！仲係會火炙添，加上有火炙過嘅鵝肝肯定香到爆！當碗飯上到台，火炙鵝肝香味撲鼻，帆立貝非常清甜，每啖飯都充滿幸福感！一開始我怕鵝肝會太膻，但呢塊鵝肝完全無，配埋火炙帶起嘅甘香，味道啱啱好，鍾意鵝肝嘅人一定要試呢個新鮮配搭！同事叫左個拖羅海膽盛丼，一上台，我都嘩嘩聲，每件拖羅非常肥美，試左一塊，真係好軟，充滿魚香味，我同事食得好滿足！呢間分店令我愛上返爆丼屋，炎炎夏日，我一定會黎多d呢間店，食多d充滿幸福感嘅魚生飯！！☺️☺️