真秘鍋 (已結業)

約埋朋友想打邊爐，約咗喺尖沙咀，諗起之前食過真秘鍋，打電話去訂位話雖然我哋人少少，但我哋想點兩個鍋，經理即刻安排圓枱俾我哋。秘製麻辣鍋拼椰子雞湯麻辣鍋係台式麻辣，所以辣得來唔會嗆喉，我哋點鐘辣夠晒，入面嘅鴨血係我哋至愛。至於椰子雞，侍應想湯底時，喺我哋面前倒下即開椰青，成個湯底都係用椰青水冇加水，非常清甜。花膠雞湯拼鮮菌湯花膠雞湯之前食過，水準保持到拼個菌湯清清地用嚟淥菜。手切鮮牛肉，顏色夠新鮮，牛肉味幾重。黑毛豬片爽脆，好快俾我哋KO一碟。牛柏葉處理得唔錯，錄完唔銀，丸餃拼盤自家製，例牌飽肚必點。今次再返去服務都唔錯，加湯及時，只係後半段侍應有時太忙要叫佢，其餘時間都會主動問使唔使加湯。質素穩定，行開尖沙咀想打邊爐下次都可以再食。