影片
更多
2022-05-21
57 瀏覽
辣死你嗎配仁噹牛肉🍚椰漿飯應該加咗班蘭所以變成靚靚綠色，仁噹牛肉同咖哩牛腩相似，牛腩牛筋都煮得腍，本身較重香料味唔算太辣，配埋甜甜地嘅椰醬飯中和辣度，朋友唔算食得辣但係都覺得可以接受，周圍有參巴醬、青瓜、花生、乾魚仔、蝦片等配料，頗為豐富!豬腳彎肉骨茶🥣豬腳彎肉有約6件，切得厚身，豬皮彈牙，肉骨茶藥材味比多數餐廳重，入口甘香最鍾意係可以添湯，如過食餐牌上大份啲嗰4款肉骨茶就會有埋金菇、豆卜等，依個細份嘅就淨係有肉~椰香咖央多士🥪每次嚟到都必點，從來冇令人失望，咖央牛油比例啱啱好，椰香味濃甜度適中，多士烤得非常香脆，依度將塊多士一開四，食落都方便👍美綠恐龍🍹
張貼
