潮福蒸氣石鍋 (已結業)

最近撞翻以前嘅男朋友，傾咗兩句發覺各自有自己嘅男女朋友，以前成日怪佢點解當初要同我分手，系米有第三者，不過宜家睇翻以前自己做過嘅野，發覺我地都唔夠成熟~~！宜家見翻面，仲可以繼續做friend，真係好難得，今日無論如何都要請佢食翻餐飯！！潮福石鍋，環境同茶樓差唔多，不過每張檯上邊都有一個蒸氣石鍋，準備拿嚟蒸嘢食，前度話佢系第一次嚟，所以我就推介咗幾樣我平時食開嘅俾佢啦！貝殼一大盆，叫咗幾樣海鮮，其中一個就係貝殼，一碟貝殼入邊嘅品種有幾樣，將啲貝殼擺落嘅石鍋到，睇住佢地慢慢蒸熟，貝殼嘅海鮮香味慢慢涌上嚟！~~再點翻些少醬汁，味道就啱啱好啦。。海蝦同埋釀豆卜，如果嫌啲食材蒸得慢嘅話，可以將幾樣一齊放入去一齊蒸，咁樣食嘅時候就可以一次過食幾樣啦！海蝦嘅身比較長，所以蝦肉嘅部分幾多，蒸出嚟嘅蝦肉質好爽滑，點翻少少豉油，再咬下啲蝦膏，好正吖！！！釀豆卜，豆卜入邊有好大舊肉，豆卜嘅外皮好薄，肉占咗大部分，蒸完之後要開豆卜，入邊嘅肉汁都流曬出嚟啦……………鮑魚同元貝，系蒸之前放啲調味料系表面，可以令食材更加入味，我就鐘意落啲蒜頭落去，食嘅時候會好香！元貝真係好大隻，好抵食，自然蒸出嚟嘅湯汁有好濃郁嘅