喵一下 (已結業)

一星期內兩次去喵一下。可想而知有幾鍾意。第一次朋友帶去，一踏入店內，嘩～～好靚呀，環境好舒服，有好多綠色植物，裝修及擺設好明顯係店主悉心設計。今次專程帶家人去，試多幾款食物。愛上喵一下的原因好多。。。。環境舒服，食物好，價錢合理，無加一，老板好好人，會同客人傾計，員工勤快，可帶寵物，重有最重要一點，任坐唔限時。你話，點會唔鍾意喵一下呢！提提各位，最緊要訂位，好會有一張好靚嘅貓咪postcard送返比你。