Homeland (東昌街) (已結業)

上次同朋友食過呢間一直念念不忘，今次再帶其他朋友黎食，大家都讚!叫左pizza set，叫左明太子海鮮薄餅，上台已經見到好多煙三文魚，仲有D紫菜絲，有種和風style! 中間都有好多配菜，食落好多口感。叫左個龍蝦湯，呢個推介!!好濃郁既龍蝦味，仲有D龍蝦粒係湯入面，可以配埋蒜蓉法包! 泰式柚子墨魚仔沙律好清新，酸酸甜甜既醬汁，加埋彈牙既墨魚仔，好開胃。之後仲有個主菜，叫左龍蝦占米多黑松露闊面，龍蝦大大隻，上面仲有D蒜蓉同埋芝士，好濃郁既味道。闊面撈曬醬，好入味。另外都加左小食，有驚喜既香蒜辣椒炒蜆，份量都幾多，而且蜆都係大大粒! 上次太飽冇食到甜品，今次就叫左焙茶cheesecake，焙茶味好濃! 個擺碟都好好睇，仲有馬卡龍同埋餅仔，成個感覺好豐富。野飲就叫左青檸話梅梳打同埋薄荷朱古力，都好唔錯!