TOSS 蘇媽.蘇媽 (已結業)

之前同屋企人係沙田新城市都食過呢間餐廳，印象中幾好食。今次同屋企人去開屯門再幫襯，水準依然高😋主食：🌟 肉骨茶一字骨味道醇厚濃郁, 入面有四大舊一字骨，肉質腍身，啖啖都係肉🍖仲有啲冬菇，同埋豆卜點綴一下，淨係飲晒碗🥣，同埋食咗啲肉都飽左一半🌟辣死你嗎配烤雞髀椰醬飯綠綠地色好吸晴影相靚，兼且椰奶味香濃配埋小魚同埋花生餸飯一流，雞脾大隻嫩滑小食：🌟 馬拉沙嗲串燒豬牛雞各三串🍢，正常發揮， 叫做有啲唔同嘅野食食下飲品：🌟 桔仔薄荷梳打味道清新解膩，酸酸甜甜，清爽解渴之選🍊🌟 馬來西亞拉茶有香香嘅煉奶味同埋茶味，味道斬唔錯