TOSS 蘇媽.蘇媽

營業中

休息中

晚上有課，上課前與同學一起在屯門市廣場晚飯，蘇媽•蘇媽toss是同學們都喜歡的餐廳。大家都一致要點肉骨茶，有不同款式選擇，不過饞嘴的我們選了細雜錦$148，可以無限加湯。雜錦的材料非常多，有一字骨、豬肚、冬菇、腩肉、豬手，配油炸鬼增加口感，想爽口的吃又得，浸湯吃又得。每款肉骨茶都有中藥材成份，例如當歸，補身又暖身。暖暖的一鍋，味道香甜，吃完配料已經可以當一道小菜，還附有醬料配合自己口味。招牌砂鍋老鼠粉$118，就是銀針粉，用熱鍋上桌，職員幫我們拌勻配料，包括蝦乾、豬油渣、炸蒜蓉、肉碎、生雞蛋等等，各種鮮香在熱熱的砂鍋裏揮發出來，配合醬油味，像炒牛河的鑊氣，非常惹味！而且份量多，最少兩三個人吃才能吃完。蒜香青龍菜$82，未吃過青龍菜，原來是馬來西亞獨有的本土菜，食材真的是從星加坡空運到港，感覺有點矜貴呢！口感像韭菜但更爽嫩，氣味再清淡一點，以蒜蓉炒出來，香氣四溢，很好吃！椰香咖央多士$42，當飯後甜品，每人一塊過口癮。椰香味道濃鬱，多士烤得微脆，甜甜的很好吃啊！職員介紹說，單點飲品第二杯可享半價。於是又來兩杯特飲試試。三色奶茶$38，與普通奶茶不同的就是用了椰糖，加入奶和茶，要拌勻沉底的

🎀屯門。新分店半開放設計馬來西亞菜⚜️🎀🪄店名* #蘇媽蘇媽 #Toss蘇媽🔮地址* 屯門屯門屯隆街3號屯門市廣場2期UG樓🔮🗾分店地區🗾 沙田,屯門💰價錢$242.7 已加一 (2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_屯門剩系食呢一類👉食物類型搜尋🔍🍜#pickyme_馬來西亞菜➖➖➖➖➖➖➖➖➖➖➖➖➖🎵餐廳環境🎵屯門最近開左新分店 竟然有得試馬來西亞菜 呢間餐廳設計都幾靚 以半開放式設計 空間好寬敞 顏色以米色為主 並設有多個門框 整體都坐得幾舒服～🍽️食物質素🍽️餐廳主要食馬拉西亞菜 QRcode落單有曬圖文參考 食物地道多選擇 價錢中上 餐名用左馬來西亞譯音做名 幾搞笑 可以融入香港廣東話～👀評分💖💖💖💖🪄高佬麵配炸豬扒$79份量都幾多 豬扒以吉列麵糠裹上 炸至金黃色 脆卜卜 口感略為乾身 加上麻油味香濃既撈麵 鹹鹹地幾惹味 仲有配埋香煎荷包蛋 口感更豐富👀評分💖💖💖💖🪄辣死你嗎(椰漿飯)配烤雞脾 $83原來辣死你嗎系椰漿飯既譯音 本身以為系辣野😂椰漿飯呈綠色 味道淡淡地可接受 雞脾比較似系炸多啲略為乾身 想增加香味可以連炸魚粒及花生一齊食用

蘇媽蘇媽出晒名平民美食👍🏻價錢唔貴份量多，味道夠晒特色，入邊裝修企理仲有好多個卡位，私隱度幾高，下午茶仲有輕食餐牌，但份量都唔細，非常唔錯！肉骨茶有得揀雜錦或者一字骨，要食一定係食雜錦🤩入邊有排骨、豬手、腩肉、豬肚等，肉骨茶飲落都好順喉，因為落咗唔少藥材有當歸，玉竹，當參，杞子有藥材香味，但唔會過於濃味，啲肉幾爽口亦都炆得好淋好入味，加少少蒜蓉更加香口👍🏻佢哋而家啲湯可以無限添飲，咁就朋友仔都可以飲啦咖央多士呢種特製嘅醬真係好好食😳配上厚厚嘅牛油，食落口入口即溶，牛油香同㗎吔混合嘅味道實在太美味，多士烘底好好味。甲必單咖喱鰻魚飯佢哋嘅鰻魚係原條上大大條，咖喱嘅濃度適中，有香濃嘅椰汁味道，咖喱汁入邊仲有薯仔同洋蔥，小小辣味將啲汁撈飯更惹味！

難得入大西北來到屯門市廣場，見到「蘇媽。蘇媽」屯門分店，梗係要來幫襯一下啦！必吃小食「椰香咖央多士」$42一碗有4件，椰香味十足，咖央香甜，多士酥脆，這是我喜歡的味道。另加一杯「椰汁班蘭冰」$42，咬一口多士再呷一口飲料味，經班蘭味加持，更味蕾更豐富層次感，非常滿足。現時優惠第2杯飲品半價，今次點了「虎咬獅」，名稱很有趣，而且感到好威武，哈！原來是由美祿及白咖啡混合已成，味帶微苦，後帶爽甜，是一種比較重口味的飲品。在肉骨茶系列中，「細雜錦（1-2人份配油炸鬼」$148，裡面材料十分多，有豬肚爽脆，超大件一字骨，肉厚兼腍身，豬腳彎等等，肉骨茶很香濃當歸及多種藥材味，清爽不苦澀，還可無限添飲，正！

᪥屯門這間星馬泰菜餐廳，在香港多個地方也有分店，這天中午來到不用排隊，點了他們的招牌肉骨茶雜錦，內里的材料豐富，包括有豬肚、豬手、一字骨和豆卜等，也配上了生菜。最特別的也配有小吃油條把油條放入鍋中沾滿了肉骨湯吃時更有味道。᪥另外點了銀針粉，家鄉銀針粉由侍應幫忙在鍋中熱火炒起，香氣滿澺，用了秘制醬汁炒的銀針粉除了色澤還有味道充滿星馬風味，可見配料中有魚仔乾和蝦乾。᪥每次吃星馬菜，我必點椰香咖央多士，在自動點餐中可選擇多士中的牛油、咖吔和甜度等。外脆內暖口感豐富。᪥熱拉茶，上枱的時候杯中充滿了泡泡，是奶茶打出來的感覺。凍白咖啡味道比較甜一些，喜歡咖啡又甜的朋友最適合。᪥值得一提這裡的店員服務周到，多次為我們添加肉骨茶和暖水。

一直都好鍾意食「TOSS蘇媽·蘇媽」，今日係屯門市廣場附近做完野，就去「TOSS蘇媽·蘇媽」食晚飯。檳城白咖哩滲滲麵底可以自由選擇，我點了滲滲，滲滲係馬來西亞特食麵食，油麵溝米粉，兩種麵底，令到口感更加豐富，配料有豆角、芽菜、墨魚丸、蝦、蛋、魷魚圈、豬皮，白咖哩加入了椰漿，帶有椰香味，使咖哩更順滑。馬來香蕉餅香蕉餅軟糯，香蕉味濃郁，做飯後甜品都係一個不錯的選擇。美綠恐龍好多美綠粉，味道夠濃郁，又夠大杯。

好耐冇食「Toss 蘇媽·蘇媽」啦，原來以家屯門市廣場都有分店，當然唔會錯過啦。高佬麵配炸豬扒高佬麵係馬來西亞特色，配上脆邊太陽蛋、香口花生、脆炸魚仔、青瓜片、參巴醬撈埋一齊食，增添了風味的層次感，配搭埋炸豬扒，外皮酥脆，肉質鮮嫩多汁。海南鴛鴦燒麵包每枱都會必點的海南鴛鴦燒麵包，即點即製，一定要襯熱食，麵包用上馬來西亞焦糖麵包，外層酥脆，自家製咖央醬和厚切牛油，甜甜地又咸咸地，味道有層次。怡保白咖啡怡保白咖啡的味道相比於傳統咖啡更為柔和，帶有淡淡的甜味和奶香，咖啡的濃厚與奶香的完美結合。

都好耐冇返蘇爸蘇媽餐廳食嘢 呢排同friend去開屯門市中心 知道有間分店 又有啲掛住馬拉嘢食 就決定去食 餐廳環境好舒服 衛生乾淨企理😌👍🏼呢間分店都好大 坐得好舒服 即刻點返個招牌椰香叻沙 鍾意佢有好多海鮮配料 仲有最愛入味嘅豆卜 加埋陣陣椰香嘅咖哩 真係冇得輸跟住點咗個最愛嘅咖央多士 佢呢個 咖央醬唔算好甜 椰子味好香濃 同埋個麵包都整得好香 正呢排做緊特價十蚊有六串馬拉燒蝦係海蝦嚟雖然唔算好大隻但係好鮮甜好好味 十蚊絕對抵食

講起馬來西亞菜，第一時間就會諗起人氣依然嘅蘇媽蘇媽 ！今次就來到屯門市廣場嘅分店，餐廳裝修雅致，座位闊落舒適，食物味道亦地道正宗～甲必丹咖喱炸魚柳飯💰HK$83炸魚柳外層金黃酥脆，內裡保持咗魚肉嘅鮮嫩，同咖喱嘅香料味互相融合！咖喱汁香味濃郁，辣度適中，仲帶有椰漿嘅香甜味，用來撈飯，味道超正👍🏻～檳城白咖喱米線💰HK$79配料十分豐富，有墨魚丸、蝦、蛋、魷魚圈、豬皮、豆角同埋豆芽等等！個人最中意嫩滑煙韌嘅豬皮同埋爽口彈牙嘅蝦同魷魚圈！米線嫩滑軟腍，掛湯能力高！白咖喱湯底本身已經充滿白咖喱香味同埋椰香，加入咗特色參巴醬，整體味道更加香辣惹味～

星期日下晝唔算好肚餓，喺屯門市廣場兜咗陣決定入蘇媽蘇媽食個下午茶。叫咗個檳城阿參喇沙, 一份咖央多，一杯熱鴛鴦同一杯凍美祿恐龍。喇沙味湯底好濃郁，魷魚同蝦都係新鮮貨，油面好有彈性。 整體味道十分唔錯。 店員一上架央多就提醒要即刻食，多士焗得非常脆，咖央多入邊亦好重椰香味！ 😋😋飲品就普普通通，唔算特別突出。喺呢度唔特別多講。整體嚟講，如果平時下午茶諗唔到食乜亦唔需要食太多嘢，蘇媽蘇媽嘅下午茶都係一個唔錯嘅選擇

🌟細節入微餐桌距離 間隔 擺位 枱上調味料 容器例如 飲品有隻花花長形匙羹全部食物都可以根據自己嘅口味有特別嘅要求選擇好多好仔細 照顧到唔同客人嘅需要如果我係整嘢食嗰位店員 應該睇到眼花😂馬來西亞🇲🇾拉茶。特登要求少奶走甜。目的就係想試一試個茶味。茶底 茶味濃 因為茶味比較特別。所以問職員究竟用咩茶 店員回答係商業秘密㊙️😜。好飲好飲虎咬獅馬拉式鴛鴦 馬來西亞嘅咖啡加奶茶會比香港嘅鴛鴦貼少少奶味會更重馬拉黑椒雞扒飯 跟餐加裝兩隻蜜糖燒雞翼甜品揀咗斑蘭椰絲卷

Toss蘇媽•蘇媽（屯門）有時各類日式、韓式、快餐嘅餐廳入面，馬拉菜的確未必係一般人嘅首選。不過蘇媽·蘇媽嘅馬拉菜真係好有質素，還原到正宗嘅馬拉嘢食。不過未食之前一坐低都已經幾舒服，可能開張未算好耐，所以特別乾淨企履，幾吸引人來食。至於食物堅係高汁！招牌肉骨茶 - 一字骨 $168佢嘅肉骨茶有濃濃嘅香味，湯本身嘅辣會刺激你嘅味蕾，但唔係令人難受嘅辣，你好正宗嘅肉骨茶湯底。而佢嘅一字骨件件都好大件，肥瘦適中一啲都唔腬，佢好有肉骨茶嘅味道，食得出係浸到好入味，但又唔會浸到腍晒，口感非常之飽滿。必叫呀！椰香咖喱豬頸肉叻沙 - 滲滲 $88因為有椰香，同樣有濃郁嘅香味。啲湯調較得適中，唔會辣或甜得濟，令人一啖麵又一啖湯，而且我哋嗌咗滲滲 即係油麵同米粉各半，可以食到湯配兩款麵呢兩種配搭，真心正。豬頸肉份量唔少幾煙靭，一啲都唔失禮。辣死你嗎（椰漿飯）配仁當牛肋條 $83不得不說個牛肋條真係好腍，配埋佢個汁真係好搭個椰漿飯，一甜一咸十分有趣，個飯充滿椰香味，仲有碟辣椒油，加落啖飯到真係多多都食得落。如果唔係肚仔空間有限，真係想嗌多幾款，不過佢樣樣都份量充足，真好抵食，建議大家一定要試試佢。

今日想食個豐富啲嘅午餐，經過見到蘇媽有好多款選擇，環境又大又靚，一於試吓😋首先點咗 鮮魚片魚湯河粉$78🍜，河粉湯底鮮美，非常濃郁嘅胡椒味，清淡得嚟又惹味😆 魚片新鮮滑嫩，搭配上彈牙的河粉，每啖都好滑溜😋😋另外我加了 蜜糖燒雞翼（2隻）$25🍗 勁高質😍 燒得外脆內嫩，蜜糖的甜味與雞肉的鮮味完美融合，食到停唔到口😋最後我仲試咗個甜品斑蘭椰絲卷（3條）$25🌿 外皮好脆口，帶有斑蘭嘅芳香，裡面嘅椰絲好香甜，口感非常豐富，有驚喜

利申左先, 今次唔係餐廳現場食, 而係叫外賣返屋企食既檳城福建蝦麵味道唔錯既, 個粉份量都正常, 不過個湯實在太少, 大概得5份1個膠碗,個粉放左落去幾乎見唔到湯, 仲要好快吸乾晒, 以呢個價錢嚟講顯得有啲孤寒🥹椰香咖哩豬頸肉喇沙味道都係正常發揮, 但個問題同樣係少湯, 本身叫湯麵就係想要碗湯, 唔係既話叫炒麵就得啦椰香咖央多士唔知係咪外賣嘅關係, 食落個麵包皮已經開始淋, 雖然未到淋曬, 但一啲都唔脆口, 醬料就正正常常不過不失🤔

近排同親一齊去咗 「TOSS 蘇媽，蘇馬」，馬來西亞菜餐廳，就只係係屯門市廣場，位置好方便！環境又舒適又乾淨，真心適合同長輩一齊食。啲職員都好nice，服務超快，感覺好好！同親試咗幾樣菜，真係唔錯！「一字骨」，一上枱就見到啲骨頭切得靚靚地，賣相好吸引！肉質嫩滑，炆得勁淋，又夠入味，外面嘅醬汁有啲甜，配上啲香料，真係好開胃！送飯一流！「椰香咖喱豬頸肉叻沙」。勁期待！咖喱散發著濃郁嘅椰香味，豬頸肉切得啱啱好，肉質新鮮，唔會油膩。叻沙嘅湯底好濃，啲香料味道真係好足，配埋米粉，真係好過癮！勁有馬來西亞嘅味道！最後就係「辣死你嗎」椰漿飯，個名好正，配牛肋條。個飯真係好特別，椰漿味香香，飯粒鬆軟，搭配仁當牛肋條，牛肉超入味，咬落去好軟滑，真係好滿足！整體味道唔會過辣，啱晒我哋呢啲唔太耐辣嘅人。講真，呢間餐廳嘅食材新鮮，冇添加味精，份量多得嚇人，保證夠飽！而且屯門呢個價位能有咁嘅質素，真係唔多見，超值! 下次再有機會，我哋一定會再嚟！