BRICK LANE (圍方)

營業中

休息中

呢間餐廳都有一段歷史，記得第一次去係利苑六期新開果陣。飲杯咖啡，食吓西餐，環境幾好。今次開到去圍方，依舊保留簡約又舒適既風格，招牌單車好搶眼。咁多年冇去，對餐牌要重新認識，款式選擇多，樣樣都想試。海鹽焦糖咖啡 $45唔止淨係拉花，加埋海鹽焦糖，完美演繹咩叫做立體感，視覺同味覺都充滿層次感。招牌棉花糖巧克力 $50粒粒棉花糖浮面，配香濃朱古力，杯邊既朱古力絕對引死人。牛油果蕃茄班尼迪蛋 $98印象中，以前食過班尼迪蛋好似唔錯，今次再encore。最普通配置已經好有誠意，牛油果，蕃茄同蛋漿結合，仲要賣相靚仔。黑安格斯肉眼扒 $388五成熟肉眼扒牛肉帶粉嫩，酒紅色牛肉，嫩口。除咗配香蒜，仲有焗薯，豐富飽肚。鹹蛋軟殼蟹意大利麵 $182鹹蛋黃沾滿在意大利麵上，每一口都會嚐到鹹香。軟殼蟹香脆，有鹹蛋黃加持更惹味。慢煮雞肉凱撒沙律 $148慢煮雞肉有驚喜，大大片但絕不柴口，配開胃既凱撒沙律，又健康又好食。香草雪糕牛角包窩夫 $98牛角包窩夫脆到一個點，聽到咬落去清脆的聲音更有感，配香草雪糕享受冷熱的滋味。