胡爐 (已結業)

💡再訪高質火鍋雖然天氣慢慢轉熱，但邊爐一年四季都岩食，再度二訪呢間裝修好古色古香的邊爐店，環境舒服得黎又唔會有壓迫感，最重要係食物質素高，湯底比坊間有特色，價錢雖然有少少貴，但份量就十足，用料豐富。🍽胡椒豬肚花膠雞湯🐖🐔個豬肚花膠湯，超足料既湯底❤️有好多花膠同雞件，雞件肉質嫩滑，唔好鞋，胡椒豬肚有咬口。可以自己根據自己喜好而落幾多胡椒粒。湯底好濃郁，加上淡淡胡椒味好暖胃，忍唔住都飲多幾碗湯。🍽胡爐牛拼盤🐮打邊爐點可以唔食牛呢，呢個牛拼盤真好豐富，有牛舌芯、安格斯手切肥牛、極上手切牛頸脊、牛胸爽及霜降牛粒，全部都係我至愛。賣相夠哂靚，雪花紋咁靚就知好食啦。牛味夠曬濃郁，輕輕焯一焯，入口軟腍😋🍽手工丸拼盤個拼盤有蟹籽蝦丸、牛骨汁牛丸、梅菜豬肉丸及手打蝦滑，每種丸都好足料，梅菜豬肉丸夠特別，又好味，蟹籽蝦丸入面有芝士爆出黎，而且每一款都爽口彈牙。🍽餃類拼盤有韭菜餃及黑松露餃，每款都皮薄餡滿🥟，韭菜餃入面好足料，好味道。🍽日式和風蕃茄沙律🍅呢個小食相當出色，冷凍的蕃茄切成薄片，每一塊都沾滿酸醋醬汁，十分開胃。🍽蔬菜拼盤 🥬食左咁多肉，點都要食菜健康下，清一清味蕾，蔬菜新鮮，有生菜、娃娃菜、油麥