California Pizza Kitchen (已結業)

其實之前都幫襯過，只不過係幾年前既事。見要同個fd食飯，就黎呢度食。聽講呢度既pizza幾好食，不過夜晚就無set架，要散叫。算啦，一次半次就無乜所謂既。Tortilla Spring Rolls我地揀左泰式雞同baja雞，呢個就等得耐，因為即叫即整。講下個泰式雞，香料味好重。有辣辣地既花生醬，而且有好多芝士舊春卷到，真係好正。而個baja雞仲好食，裡面有紅椒、雞、同勁多既芝士。仲可以點醬黎食，不過我大頭蝦，唔記得咩醬打咩醬。Chicken Tequila Fettuccine估唔到連扁意粉都咁出色，呢隻意粉就有雞肉、紅椒、黃椒、青檸配上忌廉汁。呢個扁意粉既味道真係幾夾，清新既青檸配上忌廉汁，個味道好有層次感。而且扁意粉整得好彈牙，真係正。pizza睇黎睇去都唔記得係邊隻，不過呢隻pizza真係好好食。芝士味真係好香，而且配料好夾。仲可以點醬，分別係牛油果醬、蕃茄醬同酸忌廉。我覺得酸忌廉係最好食。無限refill凍檸茶無乜特別，唔使點講既。整體上都唔錯，侍應都算幾有禮貌。而且食物既質素真係有番咁上下，實有下次架。