i kitchen (已結業)

放工過嚟ikitchen ，又係兩個人撐下枱腳時間啦～ 我哋叫咗兩個主菜再加 $38 轉套餐，有埋餐湯同餐飲呢～今晚嘅餐湯係黑松露野菌茸湯，店員一送到已經聞到好香呀～而且味道香濃，好好味呀！有少少肚餓嘅我哋，見到有唔同嘅小食選擇，最後叫咗份香辣炸雞膇小食，少少辣，都唔錯呀。之後上嘅醬燒美國豬仔肋骨依然保持水準，肉質鬆軟而且不一啲都唔黏骨，加埋美味嘅醬汁，正呀～而香煎美國黑豚豬肉，肉質同樣嫩滑，而且厚度適中，肉味夠哂juicy ，差啲唔記得咗，碟上嘅配菜都好有心機㗎，係薯仔同蕃薯蓉嚟，下次食個陣都可以試吓呀～