辛手村 (已結業)

早幾個月食過旺角「辛手村」，麻辣干鍋令人一試難忘！今次再訪回味，撞正夜晚轉成酒吧，又一新體驗。兩個人唔想煩就揀咗「唔想諗．即刻食」二人餐。先來份串燒，辛手雞肉軟骨棒啖啖肉加少少軟骨口感，唔錯唔錯！蜜糖爆蒜雞翼燒得好香脆，炭燒帆立貝大大粒好厚肉，川燒牛肉串夠惹味！之後到主角—麻辣黑松露味干鍋出場，揀咗雞翼骨、肥腸、肥牛，配搭土豆絲及娃娃菜，相當豐富。麻辣與黑松露完美組合，齒頰留香！最後整返個柚子冰粉解解辣，正！套餐仲包括兩杯無酒精飲品，埋單連加一都係五百左右，好抵食！今次食到中途仲轉成酒吧ｍode，好有氣氛