影片
更多
2017-11-27
148 瀏覽
呢間灣仔小店，繼早前出現過羊駝芭菲，今年秋冬款有狐狸芭菲，我就嚟會一會佢。店面除咗一如既往貼住旅行照，今次仲有一幅油畫，以為係旅行嘅戰利品，原來是店東嘅大作，真係估佢唔到！揀咗久違嘅特色Affogato，望落似淋咗和風黑蜜嘅佢，其實係我嘅心水配搭，抹茶軟雪糕x法國朱古力，大愛呢兩個意想不到地合拍嘅bittersweet口味，甜得嚟唔會過晒火位。店東依舊好客又好傾，同埋堅感受到佢對旅行嘅熱愛佢話自從六月去完宮城藏王山嘅狐狸村念念不忘，促成咗呢款甜品嘅誕生。等食期間，佢又同我傾咗一陣赤狐嘅品種同習性，如數家珍，滿足我嘅好奇心，再借咗本私人珍藏俾我揭。軟雪糕照舊綿密係唔使多講，雪糕底加咗培茶啫喱同煙韌白玉。睇返雪糕頂，塊狐狸餅都幾香幾鬆化，而且條狐狸尾巴狀似捲住嗰塊燒到微軟嘅棉花糖攬枕，既有幾粒略帶點鹹味嘅爆谷星星陪伴，又有一輪糖製嘅彎月同紫色雲朵看守住，感覺狐狸瞓到好似平安夜咁安詳，成個構圖好完整！唔知下次嚟又有咩新嘢試呢？😋🏠Kafulin Gallery Dessert📮灣仔巴路士街17-21號樂景大樓地下4 號舖
呢間灣仔小店，繼早前出現過羊駝芭菲，今年秋冬款有狐狸芭菲，我就嚟會一會佢。店面除咗一如既往貼住旅行照，今次仲有一幅油畫，以為係旅行嘅戰利品，原來是店東嘅大作，真係估佢唔到！
揀咗久違嘅特色Affogato，望落似淋咗和風黑蜜嘅佢，其實係我嘅心水配搭，抹茶軟雪糕x法國朱古力，大愛呢兩個意想不到地合拍嘅bittersweet口味，甜得嚟唔會過晒火位。
店東依舊好客又好傾，同埋堅感受到佢對旅行嘅熱愛佢話自從六月去完宮城藏王山嘅狐狸村念念不忘，促成咗呢款甜品嘅誕生。等食期間，佢又同我傾咗一陣赤狐嘅品種同習性，如數家珍，滿足我嘅好奇心，再借咗本私人珍藏俾我揭。
軟雪糕照舊綿密係唔使多講，雪糕底加咗培茶啫喱同煙韌白玉。睇返雪糕頂，塊狐狸餅都幾香幾鬆化，而且條狐狸尾巴狀似捲住嗰塊燒到微軟嘅棉花糖攬枕，既有幾粒略帶點鹹味嘅爆谷星星陪伴，又有一輪糖製嘅彎月同紫色雲朵看守住，感覺狐狸瞓到好似平安夜咁安詳，成個構圖好完整！唔知下次嚟又有咩新嘢試呢？😋
🏠Kafulin Gallery Dessert
📮灣仔巴路士街17-21號樂景大樓地下4 號舖
張貼
