古今二 (荃灣千色匯I) (已結業)

之前已經食過幾次，今次黎水準都冇改變到，但係個千色商場似乎就比以前靜咗，希望佢哋嘅生意唔好太受影響🥺！店員嘅服務好友善，坐得舒服，而且環境乾淨企理。金龍卷應該係依間必要嘅，三文魚配上炸蝦同芝士，非常夾，材料新鮮！蜘蛛推介比鍾意食軟殼蟹嘅朋友，佢入邊加咗青瓜、牛油果，令到口感更加豐富，亦會比較清新，冇油膩嘅感覺。龍捲風沙律入邊有薯片青瓜，蟹柳同Wasabi醬，辣辣地，份量好大，所以價錢嚟講又唔算好貴，但係嗰醬就突然多咗啲，比較濃味。牛舌 雞腿肉串燒牛舌好食，入邊亦都幾多汁~雞腿肉配上紫蘇葉，都係一個幾有趣嘅配搭芝士年糕推介😍有拉絲，夠熱夠芝士🤤