影片
更多
2016-12-07
2334 瀏覽
天氣開始寒寒地，搞到呢幾朝返工嗰陣，個腦係咁諗住要食熱辣辣嘅嘢！咁啱琴晚去開西灣河等友人們放工兼搵食，見到原來嗰頭都有潮福，早幾個月我先响旺角店食得好滿足，所以二話不說，就拉大隊衝去食！同旺角店一樣價位，都係有自選海鮮同任食嘅食物，兼任飲。講到任飲，同行中有兩位友人係酒鬼，所以一坐低就即刻叫咗兩支朝日啤一啤，話雪得夠晒凍，好正！但咁凍就咪搞我啦，我都係好似上次咁，叫返盅燉湯暖暖胃先。今次我唔係飲唐排湯，而係試咗特別啲嘅松茸螺湯，個湯齋聞已經好香螺味同菇味，飲落仲好甜，好多料！友人仲爭啲就食晒啲料，俾我勸止咗！因爲重頭戲即將嚟～～個鍋滾起咗啦！同上次一樣，粥底都係要返瑤柱淮山，侍應好快手幫我地蒸完自選嘅海鮮，全部都好新鮮，貝類中，我地一致通過最正最甜嘅第一名係馬刀貝，佢仲係最大粒添！第二名嘅北寄貝都唔錯！呢兩款係就咁食都夠咸鮮，至於其他嘅龍蝦帶子桶蠔魚呀，其實都好好味，只不過就咁清蒸就淡咗啲，要加啲豉油吊吊味！雖然自選海鮮得一輪，唔係任食，但一輪已經好夠皮，因爲呢班食肉獸要開始食肉！我地真係閒閒地就食咗三四轉和牛片，和牛粒，豬頸肉，雞肉，豬肉釀豆卜釀菇，仲點咗好多手打丸，蝦丸鲮魚丸牛丸，
同旺角店一樣價位，都係有自選海鮮同任食嘅食物，兼任飲。講到任飲，同行中有兩位友人係酒鬼，所以一坐低就即刻叫咗兩支朝日啤一啤，話雪得夠晒凍，好正！但咁凍就咪搞我啦，我都係好似上次咁，叫返盅燉湯暖暖胃先。今次我唔係飲唐排湯，而係試咗特別啲嘅松茸螺湯，個湯齋聞已經好香螺味同菇味，飲落仲好甜，好多料！友人仲爭啲就食晒啲料，俾我勸止咗！因爲重頭戲即將嚟～～個鍋滾起咗啦！
同上次一樣，粥底都係要返瑤柱淮山，侍應好快手幫我地蒸完自選嘅海鮮，全部都好新鮮，貝類中，我地一致通過最正最甜嘅第一名係馬刀貝，佢仲係最大粒添！第二名嘅北寄貝都唔錯！呢兩款係就咁食都夠咸鮮，至於其他嘅龍蝦帶子桶蠔魚呀，其實都好好味，只不過就咁清蒸就淡咗啲，要加啲豉油吊吊味！
雖然自選海鮮得一輪，唔係任食，但一輪已經好夠皮，因爲呢班食肉獸要開始食肉！我地真係閒閒地就食咗三四轉和牛片，和牛粒，豬頸肉，雞肉，豬肉釀豆卜釀菇，仲點咗好多手打丸，蝦丸鲮魚丸牛丸，全部彈牙，最特別嘅係梅菜豬肉丸，友人話食到會彈嘅梅菜肉餅咁，感覺好搞笑！
咁食肉之餘都食咗兩轉菜同瓜嘅，當中大推蒸勝瓜，點蒸都好juicy！
上次飽到粥都食唔晒，有咗經驗，今次留肚食到兩碗！！！煮咗兩粒鐘，啲粥煮到豆漿咁綿，又有晒咁多食物嘅精華，好複雜嘅味道，但簡單嚟講，咪係：太太太太好味！！！！
而今次最大surprise，係我地食得晒啲粥之餘，仲食到馬拉糕！！嘩！！馬拉糕本身都唔會難食得去邊，而即蒸嘅，真係唔同啲架！有呢個甜品收尾，呢一餐，大家都超級滿足！食到暖晒，頂住冷風返屋企都好幸福
張貼
