熊貓乳酪雪糕屋 (已結業)

都幫襯左好多次，但係要寫食評喎，一直都覺得好煩。不過女朋友又好鍾意呢間鋪頭，咁我都要支持下既。今日我地兩個趁假又黎消費下，順便換埋杯送既大乳酪，一人一杯。乳酪既味道好夠奶味，有酸味之餘又夠甜。我自己就唔太喜歡傳統果D乳酪，呢一間既口味就啱哂胃口啦！女友買果杯落左芒果、OREO同埋佢地自家製既糯米糍($23)。我都要左香芋同埋朱古力味糯糍。到後來先知佢地新出左鮮奶寒天(D店員又唔推介下喎)。唯有下一次試下啦！