孖寶 (已結業)

上次黎過呢間孖寶小館，今次難得經過上水，決定同老公再黎食過。餐廳雖然係喺上水嘅橫街入面，但喺火車站行10分鐘就會到，所以都唔算難搵，而且食物味道好，價錢又合理，行入黎都值得嘅。好喜歡四周嘅圖畫我地叫左個水牛城雞翼，安格斯牛肉芝士漢堡同海鮮意大利飯。老公愛食呢個水牛城雞翼，雞翼剪開一半用串穿上，賣相吸引，色澤好靚。味道主要以酸味為主，帶點少辣，非常惹味。雞翼外層雖然沾滿醬汁，但仍然食到雞皮好香脆，內裏雞肉軟嫩多汁。安格斯牛肉有8oz，牛肉質素高，人手打成。連漢堡都可以揀幾成熟， 係靚牛肉先可以夠膽咁做。 我哋揀咗七成熟， 麵包鬆軟， 牛肉夠juicy ，配上芝士，生菜，洋蔥，醬汁，好食到停唔到口，亦係吸引我地返黎再食嘅原因。海鮮意大利飯看似普普通通，但做法正宗，意大利米有嚼勁，番茄汁醬令飯粒更加濕潤，而且分量適宜，酸酸地，好開胃。海鮮用料方面好豐富，有帶子，大蝦,，魷魚，青口...等，全部材料都非常新鮮。可以加28蚊轉餐，有湯同餐飲，如果7點半前入座，可以免費轉餐，好抵。南瓜湯嘅南瓜打蓉成湯, 啖啖都係南瓜精華,幾creamy。餐飲方面有好多選擇，豬叫左熱桂圓紅棗，入口有微微嘅紅棗香味，