影片
更多
2016-12-15
1592 瀏覽
呢間放題幾個月前食過，食物質素高、選擇夠多，坐得舒服，今日決定再encore! 上次晚市黎食，今次午市食，價錢更實惠，$185 1個人，我地每人加左$38 燒肉放題。我地大約1點去到，餐廳已經坐滿8成客人，今次坐唔到卡位添，下次要book定枱先得🤔。一如既往，一坐低就瘋狂tick order紙。呢度選擇真係夠曬齊，刺身、壽司、沙律、小食、天婦羅、炸物、串燒、飯麵，仲有燒肉添！等食途中店員細心地幫我地開左燒爐先。落左order 5分鐘都唔使已經有野食上枱啦！首先係燒肉！澳洲和牛係必食嘅，和牛油花靚，夠肥美，有肉香👍🏻，另外七味雞翼都唔錯，夠入味，耐心燒到兩面微焦就更惹味更正！三文魚同呑拿魚刺身厚切，肥美新鮮。象拔蚌爽口鮮甜👏🏻。紫薯天婦羅一定要試！外脆內粉軟，夠甜，like! 冬菇天婦羅亦夠厚身，不錯不錯！汁燒安格斯牛粒串同香草羊架都出色。尤其羊架，夠香口惹味，肥瘦適中帶少許羊羶味，正！到邪惡炸物啦！有吉列豬扒、炸廣島蠔、吉列魷魚圈、一口芝士年糕。吉列豬扒唔夠熱，但其他3樣都做到熱辣辣，外皮酥脆。芝士年糕堅流心，好味👍🏻。男友食左炸大蝦，都俾左個like👍🏻😂。再encore左轉燒肉我地
上次晚市黎食，今次午市食，價錢更實惠，$185 1個人，我地每人加左$38 燒肉放題。
我地大約1點去到，餐廳已經坐滿8成客人，今次坐唔到卡位添，下次要book定枱先得🤔。
一如既往，一坐低就瘋狂tick order紙。呢度選擇真係夠曬齊，刺身、壽司、沙律、小食、天婦羅、炸物、串燒、飯麵，仲有燒肉添！等食途中店員細心地幫我地開左燒爐先。落左order 5分鐘都唔使已經有野食上枱啦！
首先係燒肉！澳洲和牛係必食嘅，和牛油花靚，夠肥美，有肉香👍🏻，另外七味雞翼都唔錯，夠入味，耐心燒到兩面微焦就更惹味更正！
三文魚同呑拿魚刺身厚切，肥美新鮮。象拔蚌爽口鮮甜👏🏻。
紫薯天婦羅一定要試！外脆內粉軟，夠甜，like! 冬菇天婦羅亦夠厚身，不錯不錯！
汁燒安格斯牛粒串同香草羊架都出色。尤其羊架，夠香口惹味，肥瘦適中帶少許羊羶味，正！
到邪惡炸物啦！有吉列豬扒、炸廣島蠔、吉列魷魚圈、一口芝士年糕。吉列豬扒唔夠熱，但其他3樣都做到熱辣辣，外皮酥脆。芝士年糕堅流心，好味👍🏻。男友食左炸大蝦，都俾左個like👍🏻😂。
再encore左轉燒肉我地就飽到投降啦，但投降之前食返杯Haagen Dazs/ Movenpick 雪糕為呢一餐劃一個完美句號。
張貼
