麻辣派對 (瑞生酒店) (已結業)

酸菜魚是阿女的最愛，今日出尖沙咀逛逛，於加連威老道又食《麻辣派對》。【酸菜魚】酸菜味型江團(BB辣)~賣相好吸引，大盤面鋪滿菊花，江團魚塊份量好足有好多件，件件厚肉，新鮮嫩滑，配料包括：惹味酸菜、辣椒、花椒、爽口芽菜、透明滑滑水晶粉、仲有滑捋捋爽爽蒟蒻片。戀味毛肚(BB辣)~這個涼菜主要是麻辣風味，BB辣已經係最小辣度，食落都好刺激，毛肚勁爽口，一啲都唔韌。冬瓜茶及檸檬茶~食辣嘢食酸菜魚一定要飲冰凍飲品啦，冬瓜茶甜甜地我好鍾意。今次送咗紅豆沙，唔會好甜，煲得好靚，好開心有埋桂花冰粉，好解辣。麻辣派對室內裝修及燈光的確好像開party一樣，好適合朋友歡聚。