759車仔麵 (已結業)

大前日(2-5-2016 Mon)勞動節補假,晏晝又同老公出去食o野同買餸,諗吓重有邊間未食過?譚仔米線,老公話一味係鹹酸菜;丼丼屋,.丼丼屋荃灣都有,第時搬返去都仍有機會食;百佳樓下,對住沙田o個間茶餐廳,老公話貴,而且食物好似係普通o野.759車仔麵,我答食過lu喎,不過荃灣好似冇,咁再食過啦.於是我o地行去,去到睇有冇o野o岩我食o既先,叫個$38.00有湯o既兩餸飯啦要咖哩豬扒同XO醬肉碎蒸水蛋,然後我搵位.老公買埋佢$40.00o既時菜豬軟骨飯,加$2.00要一罐可樂.冇耐,我o既o野到齊,準備開動.同樣係飯還飯,餸還餸分開上,之後老公o既都到o但欠一罐可樂,個亞姐就就咁收o左張單.我就同另一個亞姐講,佢就俾返我o地.之後我都留意之前個亞姐知唔知漏o左,結果真係唔知o既,完全冇話拎一罐o黎等我o地開口話;’有喇.’o野食齊晒,開動.XO醬肉碎蒸水蛋點解冇XO醬o既?係一啲都冇,點解??水蛋滑,肉碎都只得好少.咖哩豬扒有兩件薯仔,豬扒係剪成細細件,咖哩香而不辣,但醒胃,薯仔同豬扒都夠腍,正.而碗湯呢?係白菜乾湯,呢個唔太鹹,OK o既.最後試埋老公o既時菜豬軟骨,時菜係菜心,幾