影片
更多
2015-06-13
956 瀏覽
首先要讚下 Table Map, 用佢地訂檯真係好方便，share 俾飯腳又簡單。今次輪到同中學同學食我既生日飯，特別去左之前朋友帶過我去既 Bellini。首先，食物方面同之前水準一樣，好！佢既 Tasting Menu 好抵食，價錢都係 2百幾到3百幾， 你可以選羊架，牛扒，鱸魚，跟餐本身有前菜，湯，主菜，甜品同飲品。今次我叫左羊架。 其他朋友分別有叫到牛扒同魚，評價都係好的。牛扒大件到可以 share d 俾人食都得。另外我地仲叫左一打生蠔，好新鮮，亦有海水味，食落好 creamy。朋友送左支Sparkling 俾我，即場請餐廳幫手雪凍開黎飲，每人消費滿＄250 就可以Waive 開瓶費。成餐飯唯一唔滿意既地方，係我唔知道原來星期五都係收 10點咁早，我唔太記得上次黎係幾點收鋪，但之前都係一班吹水怪黎，點都唔會係咁早就散，所以，waitress 9點就埋黎remind 我地 10 點收鋪時，我係有 d 愣然。如果我早知佢收咁早，我唔會選呢度，因為一來生日飯，又係happy Friday, 而且成班同學幾個月先見一次，唔會想 10 點就返歸。餐應本身地方唔大，所以樓面只有 2 個w
今次輪到同中學同學食我既生日飯，特別去左之前朋友帶過我去既 Bellini。
首先，食物方面同之前水準一樣，好！
佢既 Tasting Menu 好抵食，價錢都係 2百幾到3百幾， 你可以選羊架，牛扒，鱸魚，跟餐本身有前菜，湯，主菜，甜品同飲品。
今次我叫左羊架。 其他朋友分別有叫到牛扒同魚，評價都係好的。牛扒大件到可以 share d 俾人食都得。
另外我地仲叫左一打生蠔，好新鮮，亦有海水味，食落好 creamy。
朋友送左支Sparkling 俾我，即場請餐廳幫手雪凍開黎飲，每人消費滿＄250 就可以Waive 開瓶費。
成餐飯唯一唔滿意既地方，係我唔知道原來星期五都係收 10點咁早，我唔太記得上次黎係幾點收鋪，但之前都係一班吹水怪黎，點都唔會係咁早就散，所以，waitress 9點就埋黎remind 我地 10 點收鋪時，我係有 d 愣然。如果我早知佢收咁早，我唔會選呢度，因為一來生日飯，又係happy Friday, 而且成班同學幾個月先見一次，唔會想 10 點就返歸。
餐應本身地方唔大，所以樓面只有 2 個waitress, 其中年紀較大一位，基本上成晚都係黑面，你唔可以話佢無service，但睇起上黎就係唔多想理你果種，同埋，我地係 9點同9點半都分別被提醒佢地收 10 點，但真係一到 10 點就黑左一半燈，同埋果位小姐已經拎晒d 單出黎埋數，我地幾個朋友見到咁樣，連單都未 check 就已經簽咭，都仲未計好一人要夾幾多錢，就要企起身趕住走怕阻住佢地，我明白鋪頭有關門時間，但有無需要做到咁呢？
食物幾好都好，我諗都唔會再黎，邊度都有價錢合理既好野食，為咩要受氣同食到趕頭趕命？
題外話/補充資料：
補充一點，餐廳本身應該係無洗手間（我記得上次黎都話係要去附近商場既），今次黎，朋友問佢地，waitress 覆話壞左，要去商場果邊借用。 而商場既 Toilet 衛生情況認真麻麻。
(以上食評乃用戶個人意見 , 並不代表OpenRice之觀點。)
張貼
