龍門大酒樓 (已結業)

龍門進入結業倒數最後的一個星期，結業晚宴一早爆滿，平時行過見到多左人黎朝聖，又見好多拍友手上拎住大大小小的相機對呢間老酒樓作最後拍照見証。一如上幾次，今次再黎幫襯早點，呢次幫襯外型有份量的---大包，對上一次食大包已經係好多年前了，食大包的機會唔會時常有，好多酒樓未必會造，因為成本都唔少，料多，有得賣自然都會賣得貴；令一方面有得賣的酒樓，因為市面供應唔多，所以都會每日都得早賣完。八點零黎到都買到，總算無失望，不過要$20蚊一個略為貴少少，之前睇過報導好似話賣$15蚊，唔通襯結業加下價賺番筆?!大包賣點係一個包同時食到豬肉，雞肉，鵪鶉蛋，冬菇，炸菜等等，唔同酒樓配搭都會唔同，味道已經好難分到食到咩，一個貪婪的慾望，一啖可以食到唔同的食物....味道還可以吧，沒有太大驚喜。大包買少見少，不如去相，未有機會食過的朋友都可以睇下大包係點。