尚夢・茳煳 (已結業)

聽講呢間尚夢剛剛裝修完，上次食晏晝時，聽人講夜晚嘅私房菜係幾好，細佬又約食飯，咁就約黎呢間，唔駛諗。如果你之前都去過呢間餐廳，其實唔係裝修咗好多，不過整體感覺舒適咗，不錯，特別係呢一條街冇乜好坐嘅餐廳。先飲杯茶，佢啲茶葉又唔錯。海鮮湯固定原來係日日set好的，是日個湯係松茸燉雞湯，combination都幾有趣，入口真係有幾濃嘅松茸味，燉雞算滑，幾好食，聞落幾香又有藥材味。偏甜而食落幾脆口嘅香酥陳皮骨係細佬當日幾喜歡嘅菜式，好好送飯，無諗過陳皮加甜味係咁得意。客家鴛鴦菜使用鶴豆，白菜，甜梅菜炒埋一碟，我相信呢個係客家才有的菜式，微辣的感覺，更加適合而家微涼的秋天。點名作茳煳炒飯，炒得剛好，那股鑊氣我幾鍾意，本身其實好想試佢個芝士龍蝦伊麵，但兩個人驚食唔晒所以食炒飯算。自家製糯米糍，芝麻餡幼細，整體實淨有力，自家做嘅甜品來講算幾好。同上次食嘅感覺差唔會太遠，餐廳裝修之後，同上次對比感覺更加好，有機會同客人或者朋友食飯，絕對係一個幾好嘅選擇。