影片
更多
2020-12-07
129 瀏覽
無能嘅政府加上自私自利嘅老舞群組搞到全港人埋單，變返限聚令嘅兩人一枱，好唔容易先約到個朋友出嚟食返餐飯吹吓水。今次又來到荃灣呢間餐廳，上次你食過環境舒適又好味，就帶埋個朋友嚟食。由於限聚令嘅關係搞到要整D板檔住，不過反而增加左私隱度。同上次一樣佢有一個Special Menu放喺門口：再睇吓其他餐牌：我哋每人叫咗一個set。前菜有兩款包，浸落啲忌廉湯度好夾，包亦都好鬆軟。凍朱古力咖啡，大大杯滿到瀉，賣相好靚，咖啡味香濃。朋友嘅朱古力奶昔，亦都係即場調配，高級。香烤意式烤原條牛面肉，上菜幫我地切好，牛面肉非常之淋，識落一啲渣都冇，調味亦都好出色。海鮮拼盤，有足足三塊海魚，其中一款應該係鱸魚嚟，口感一流，滑到入口即溶嘅感覺，大蝦青口同蜆肉都非常新鮮，再配埋即焗嘅薯仔，非常滿足。套餐仲包埋甜品，大大嚿嘅士多啤梨味蛋糕，兩個麻甩佬都食到好飽。順帶一提，餐廳以貓作為主題，有個大電視播下啲貓嘅有趣短片，我哋喺餐廳嘅時候仲幫我買Tom&Jerry，好有回憶啊！真係一個聚腳好地方。
今次又來到荃灣呢間餐廳，上次你食過環境舒適又好味，就帶埋個朋友嚟食。
由於限聚令嘅關係搞到要整D板檔住，不過反而增加左私隱度。
同上次一樣佢有一個Special Menu放喺門口：
再睇吓其他餐牌：
我哋每人叫咗一個set。
前菜有兩款包，浸落啲忌廉湯度好夾，包亦都好鬆軟。
凍朱古力咖啡，大大杯滿到瀉，賣相好靚，咖啡味香濃。
朋友嘅朱古力奶昔，亦都係即場調配，高級。
香烤意式烤原條牛面肉，上菜幫我地切好，牛面肉非常之淋，識落一啲渣都冇，調味亦都好出色。
海鮮拼盤，有足足三塊海魚，其中一款應該係鱸魚嚟，口感一流，滑到入口即溶嘅感覺，大蝦青口同蜆肉都非常新鮮，再配埋即焗嘅薯仔，非常滿足。
套餐仲包埋甜品，大大嚿嘅士多啤梨味蛋糕，兩個麻甩佬都食到好飽。
順帶一提，餐廳以貓作為主題，有個大電視播下啲貓嘅有趣短片，我哋喺餐廳嘅時候仲幫我買Tom&Jerry，好有回憶啊！真係一個聚腳好地方。
張貼
