津味居 (已結業)

其實唔明點解發燒唔可以唱K，不過既然你話唔好，我當然無得反駁。到附近覓晚餐地點，因為小辣椒令我想起我們上次食的羊肉涮鍋，所以，最後到津味居。街邊的一間小店，只看外觀應該不會注意到火鍋提供。兩個人坐了張圓枱，雖然說枱可供四人，但因為店小，對面的枱坐人後根本不可以坐四人。但無妨，枱面大點可放爐具食物。我們點了一個二人麻辣清湯火鍋，另加了半份肥牛。火鍋餐包了不少食物，有羊一斤，雜丸，粉絲，豆腐，娃娃菜，應該仲有其他，不過唔記得。首先羊比上一次無咁騷，配上可接受的麻辣，好好味。上一次食的肥牛覺得麻麻，但今次幾好，不會太肥加上牛味都算重。今次覺得好好食的係雜丸，當然唔係自己手打，但說真的，不食包心丸的我覺得，芝心丸好好味！粒丸一咬開d芝士就半溶咁！而娃娃菜真係好甜，用清湯果邊可以清清啲辣味！最後點多了個豆沙鍋餅，即整的，唔油加上豆沙好好味，皮唔厚，不過如果多啲豆沙就仲好！整晚都好開心，兩個人食左三百六十幾。食完到左對面玩十年無玩過嘅碰碰車，超開心！說服自己要維持呢種心情到星期一，更要為我個上海之旅加油！不過如果有機會, 你同我一齊去丫?好無?