影片
更多
2015-07-25
1799 瀏覽
「添好運」算係香港點心界近年相當知名嘅一間，更獲「米芝蓮」評為一星級食肆，可惜咁多年都未曾去過，今次襯得閒終於約埋朋友一齊去較新嘅奧海城分店試下到底乜料子！雖然之前日日經過旺角分店，不過因為鋪頭太細每次都放棄去食，今次細鋪搬大鋪去咗奧海城終於的起心肝去試。奧海城裝修又新又靚，相比之前舊鋪真係華麗十倍，除咗檯凳新束束，而且檯同檯之間都有一定距離，坐得幾舒服。睇起嚟嘅冠冕堂皇下，仍舊保持著平民風格，就係一眾待應都Keep著大眾食堂時期嘅服務心──「唔會點理你」，你有你舉手，我有我同同事繼續嬉笑怒罵。基本上舉手10次，大概有人理嘅次數只有4次。酥皮焗叉燒包 $19先嚟個鋪頭推介嘅「酥皮焗叉燒包」，同平時食嘅麵包皮包嘅叉燒包口感好唔同，因為用麵包皮雖然會令包皮吸收到叉燒香味，但蒸太耐亦會令叉燒味道流失。反而用酥皮焗就可以保持叉燒肉汁鮮嫩。而且鬆化酥皮配上肉感叉燒，一啖兩種口感Mix埋真係正！鳳爪排骨飯 $27飲茶必食之一嘅鳳爪排骨飯，只用不鏽鋼而非瓦盅屬意料中事，因為即叫即蒸關係，所以飯身相對較硬，而且米香一般，排骨肉汁仲未可以流落飯到，只感受到些少油香。不過要讚下隻鳳爪，因為唔係長時間蒸著，
雖然之前日日經過旺角分店，不過因為鋪頭太細每次都放棄去食，今次細鋪搬大鋪去咗奧海城終於的起心肝去試。奧海城裝修又新又靚，相比之前舊鋪真係華麗十倍，除咗檯凳新束束，而且檯同檯之間都有一定距離，坐得幾舒服。睇起嚟嘅冠冕堂皇下，仍舊保持著平民風格，就係一眾待應都Keep著大眾食堂時期嘅服務心──「唔會點理你」，你有你舉手，我有我同同事繼續嬉笑怒罵。基本上舉手10次，大概有人理嘅次數只有4次。
酥皮焗叉燒包
$19
70 瀏覽
0 讚好
0 留言
先嚟個鋪頭推介嘅「酥皮焗叉燒包」，同平時食嘅麵包皮包嘅叉燒包口感好唔同，因為用麵包皮雖然會令包皮吸收到叉燒香味，但蒸太耐亦會令叉燒味道流失。反而用酥皮焗就可以保持叉燒肉汁鮮嫩。而且鬆化酥皮配上肉感叉燒，一啖兩種口感Mix埋真係正！
鳳爪排骨飯
$27
70 瀏覽
0 讚好
0 留言
飲茶必食之一嘅鳳爪排骨飯，只用不鏽鋼而非瓦盅屬意料中事，因為即叫即蒸關係，所以飯身相對較硬，而且米香一般，排骨肉汁仲未可以流落飯到，只感受到些少油香。不過要讚下隻鳳爪，因為唔係長時間蒸著，除個個樣「靚仔」之外，骨肉分明唔似出面檔會一Pat屎咁，味道仲幾好！
古法糯米雞
$28
82 瀏覽
1 讚好
0 留言
另一鋪頭推介之一，份量幾大隻，而且入面餡料幾多，就算係一個大男人食都絕對會滿足。加上雞件、花生等等都算幾新鮮，唔似其他鋪頭咁會覺得「霉」。
韭王鮮蝦腸
$26
41 瀏覽
0 讚好
0 留言
今餐最失望嘅一樣點心，首先，說好的韭王呢？我一啲都見唔到，亦食唔到。其次腸粉皮滑度只屬一般，而且都一啲都唔算薄。米香？Sorry, I can't taste it. 最後蝦份量偏少，一條只有3隻，而且雖然唔「霉」，但絕對唔係最佳鮮度。
香滑馬拉糕
$15
58 瀏覽
0 讚好
0 留言
雖然我平時唔太鐘意蒸包、糕點，但都覺得意外好食，幾有蛋香但又唔會太過，仲香滑唔嚡口，撳落去仲有回彈力！
鮮蝦燒賣皇
$26
54 瀏覽
0 讚好
0 留言
幾好食但同腸粉一樣，蝦嘅鮮量未令我滿足。不過蝦量方面遠勝腸粉，至少我啖啖蝦。值得一讚嘅係面頭上嘅杞子，雖然蒸完一定唔「靚仔」，但少許清新感令成隻燒賣平衡感唔錯！
賽螃蟹春卷
$24
78 瀏覽
1 讚好
0 留言
連我平時唔食春卷嘅都要大讚一下，外面炸到金黃香脆，仲要唔油膩，入面嘅賽螃蟹仲係保持香軟白滑，真心推薦！
煎臘味蘿蔔榚
$15
40 瀏覽
0 讚好
0 留言
用上塊狀嘅蘿蔔，唔會太粉、太油，而且食得到蘿蔔嘅香甜味，算係中上水準。
陳皮牛肉球
$17
38 瀏覽
0 讚好
0 留言
大粒、鮮嫩，最可惜嘅係「陳皮」，用咗唔靚嘅陳皮搞到有苦味，而且幾重，牛味幾乎完全被蓋過。
鮮蝦菜苖餃
$25
58 瀏覽
0 讚好
0 留言
用上菜心苖味道鮮嫩，其實本身幾住家Feel，不過相對蝦肉，其實口感味道更似豬肉......另外食食下有幾強烈嘅胡椒辣味，奇怪感超絕UP！！！
雖然好多人都話待應服務差乜乜乜，的確親身感受係「無乜服務」，但相對大酒樓$1x茶介，添好運收$3的確係好平。而且食物水準亦算高，又幾好坐（P.S.呢餐我坐咗4個鐘係到玩手機），整體嚟講算係無得輸。
張貼
