影片
更多
2018-12-30
239 瀏覽
星期六同女友去九龍灣行街，我地都鍾意去Megabox行，因為比起其他商場冇咁迫同冇咁多國內人。仲有一樣野好，就係多野食揀! 見今晚凍凍地，就揀左去漁牧食。呢間比尖沙咀既再新好多! 似係最近開的，所以一入去覺得闊落得多，同埋坐得好舒服。先叫左兩個前菜 - 青瓜拌海蜇，味道幾清新，醬料唔會太濃，海蜇料都幾多。壇子花雕醉雞 - 酒味唔算好重，但酒既份量都多，啲雞有啲醃到過左，酒味重過雞味，用埋啲肉有啲實。雖然我想食麻辣烤魚但女友話我呢排已經食左好多辣野，又生瘡，所以唔畀食⋯經我苦苦哀求下，我地揀左酸菜魚食，估唔到仲有驚喜! 呢個份量最好就係大得黎兩個人食都得（雖然之後就唔可以再叫太多其他既餸），湯一D都唔油，有唔少四川花椒之外個魚本身都冇腥味👏🏼配菜除左酸菜芽菜等之外，佢都落左薯粉、海帶等落去，多啲口感之餘呢啲配料唔會過份索哂啲湯，幾平衡。呢隻清湯魚好厚肉，幾啱做酸菜魚，肉質鮮甜。配埋薯粉食幾一流，好夾! 女友唔太好食薯粉，我見佢個燒乳豬都有糯米飯底，所以就叫做最細份量去試。估唔到漁牧除左食魚出名之外食肉都唔錯，呢個乳豬烤到好香，有啲木炭味又唔會過油，隻乳豬果然係BB豬，肉嫩又冇膏！個糯米飯
呢間比尖沙咀既再新好多! 似係最近開的，所以一入去覺得闊落得多，同埋坐得好舒服。
先叫左兩個前菜 - 青瓜拌海蜇，味道幾清新，醬料唔會太濃，海蜇料都幾多。
壇子花雕醉雞 - 酒味唔算好重，但酒既份量都多，啲雞有啲醃到過左，酒味重過雞味，用埋啲肉有啲實。
雖然我想食麻辣烤魚但女友話我呢排已經食左好多辣野，又生瘡，所以唔畀食⋯經我苦苦哀求下，我地揀左酸菜魚食，估唔到仲有驚喜! 呢個份量最好就係大得黎兩個人食都得（雖然之後就唔可以再叫太多其他既餸），湯一D都唔油，有唔少四川花椒之外個魚本身都冇腥味👏🏼配菜除左酸菜芽菜等之外，佢都落左薯粉、海帶等落去，多啲口感之餘呢啲配料唔會過份索哂啲湯，幾平衡。呢隻清湯魚好厚肉，幾啱做酸菜魚，肉質鮮甜。配埋薯粉食幾一流，好夾!
女友唔太好食薯粉，我見佢個燒乳豬都有糯米飯底，所以就叫做最細份量去試。估唔到漁牧除左食魚出名之外食肉都唔錯，呢個乳豬烤到好香，有啲木炭味又唔會過油，隻乳豬果然係BB豬，肉嫩又冇膏！個糯米飯底微甜，原來唔係臘味糯米飯嗰隻，但配舊燒乳豬都幾夾。唔錯唔錯。
臨尾食埋個推介的雙色馬拉盞，熱辣辣而賣相都好好，最緊要係個黃糖香得黎唔會太甜，值得一試。
食到好飽，個人暖立立，我地慢慢由Megabox行返去地鐵當運動下，好舒服
張貼
