雞味濃 (已結業)

一份非一般嘅叉雞飯👍🏻冬天除左打邊爐之外，食鐵板嘅嘢都不失為一個唔錯嘅選擇😂鐵板除左可以配牛扒之外，仲可以配叉燒？😳你無睇錯，係叉燒...袐制鐵板叉燒$65🥓一上枱之後，店員會幫你淋上醬汁，之後就會睇到以前扒王之王’炸炸’聲+飄煙嘅效果😂(提提大家要光速翻轉，如果唔係個底會太燶)叉燒係半肥瘦嘅，好厚切，食落啖啖肉，而且啲醬汁注滿曬成舊肉，好入味😍蒜香蔥爆霸皇雞$53🍗份量算多嘅，雖然都幾多骨，但食落係juicy嘅，有些少肥。個汁好濃，配埋啲蔥同索曬汁嘅芽菜係超級正😋😋😋套餐會包埋油菜，無味精老火湯(加$6轉是日甜品)，飯/粉(加$3轉菜飯)，同埋小量菜脯-油菜份量都幾多，個湯淡左少少但真係完全無味精，菜飯唔香無特別所以唔太值得加$3，菜脯細細粒夠鹹好送飯