泰邊爐 (已結業)

天氣凍凍地，最啱打邊爐！但係又唔想打中式邊爐，朋友介紹話依間泰式邊爐最近轉左Menu，所以就同阿Mei 去試吓。依到可以揀先食雞煲後打邊爐，不過為咗我哋終身減肥事業，我哋就唔食太多肉，就咁揀咗椰子雞湯同冬陰公湯底直接打邊爐。雖然依度係任食，不過落完個套餐會上兩款前菜（泰式豬肉碎生菜包同泰式鳳爪)，之後會上一份火鍋料，如果唔夠飽可以再追加。個套餐啲配料都幾多款，有肥牛，黑豚肉，排骨，豬頸肉，泰式丸同手打丸，當中最特別嘅係泰國直送嘅舔肉丸，酸酸地好有泰國風味。除咗肉我地仲追加咗海鮮盤，有蝦，鮑魚，扇貝，蜆，青口，蠔，七十蚊黎講係非常抵食！基本上食完個套餐加海鮮盤都唔係好洗再追加配料，但基於甜品係另一個胃，所以都有岀去岀面個甜點bar到拎甜品！係非常滿足嘅一餐！