影片
更多
2018-02-20
262 瀏覽
對上一次食烤魚其實都係喺內地食，前排天氣變冷食完真係成個人暖笠笠! 果晚係閒日晚上，因為都有少少夜所以客人唔算多，侍應操流利普通話好似真係返左內地咁，而且態度不錯。小食方面叫左個炸牛奶，依個真係好食推薦，外皮十分脆，入面嘅牛奶熱辣辣得嚟又好滑，但係記得一定要襯熱食，凍左唔好食。烤羊肉串 ($45/3串) 個味道反而普普通通，羊味唔算太重，食落感覺只係一般羊肉加左些少孜然粉。飲品方面叫左hoegarden飲，食辣野要啤啤去先暢快! 叫左先見到佢原來有個啤酒暢飲嘅優惠，不過就得青島同藍妹，唯有下次再飲!主菜就簡左江團魚($318)，因為朋友怕多骨所以食左店員介紹依款魚，味道叫左小辣。個魚嘅味道同喺內地食嘅烤魚都幾似，個辣味辣得嚟有陣麻辣香，魚肉都幾鮮嫩，同朋友另外再叫左個菜加落去之後吸收哂啲辣味，所以更加辣，而且食到最後真係會愈食愈辣。最後兩個人食哂條魚同其他食物，好飽好滿足!
對上一次食烤魚其實都係喺內地食，前排天氣變冷食完真係成個人暖笠笠!
果晚係閒日晚上，因為都有少少夜所以客人唔算多，侍應操流利普通話好似真係返左內地咁，而且態度不錯。
小食方面叫左個炸牛奶，依個真係好食推薦，外皮十分脆，入面嘅牛奶熱辣辣得嚟又好滑，但係記得一定要襯熱食，凍左唔好食。
烤羊肉串 ($45/3串) 個味道反而普普通通，羊味唔算太重，食落感覺只係一般羊肉加左些少孜然粉。
飲品方面叫左hoegarden飲，食辣野要啤啤去先暢快! 叫左先見到佢原來有個啤酒暢飲嘅優惠，不過就得青島同藍妹，唯有下次再飲!
主菜就簡左江團魚($318)，因為朋友怕多骨所以食左店員介紹依款魚，味道叫左小辣。個魚嘅味道同喺內地食嘅烤魚都幾似，個辣味辣得嚟有陣麻辣香，魚肉都幾鮮嫩，同朋友另外再叫左個菜加落去之後吸收哂啲辣味，所以更加辣，而且食到最後真係會愈食愈辣。
最後兩個人食哂條魚同其他食物，好飽好滿足!
張貼
